ألملم سيرتك

يـا رعى الله الـغيـاب و لاح فـي لـيل النوايب      يـا هـمومـي وان ذكـرته يوم لجّت في سهوبه

الـهجـوس الـلي تـذرّت فـي ثـناياها السوايب      ان ذكـرتـك , مـا تـوافـد لـلضـلوع إلا الـمثوبه

يـوم عـود الـبيـد نـاحـل لين سولف للذوايب      مـن دهى عـين ٍ تـناظـر والفضا الخالي تجوبه

تـندثـر فـينـي طعون ٍ امحلت بأقصى الترايب      مـن تـريـبه لـل تريبه ,, كلها جروح امعطوبه

لـو نـبت فـيهـا و يـحيـا عـودها المغبّر هايب      تـشتـعل نـاره و دبّت مـن خـضار ٍ ما دروا به

لـلذواري ,, قمت ألملم سيرتك .. يا للعجايب      حـزن هـاالـخافـقٍ تـملـمل بين فرقا وبين توبه

مـثل هـذا الـفجر يصحا من جفوني للسحايب      مـثل مـذرور الـحنـايـا جـيت و أستتبع سكوبه

مـن عـلى مشراف هم ٍ يا بعد حاضر وغايب      ذي عـطايا الجدب هّلت ,, و النبا منه وصوبه

مـا دريـت ؟! انـي تخايلت بشرودك يالهبايب      كـنت أثـرثـر لـك عـن الـلي نـاشدن شي ٍ يلوبه

مـا تـطّوح بـالـليـالـي غـير ذكرى من سبايب      واتـجّشـم لـلعـنا الـلي داجـت أنـفاسه في ثوبه

فـي غـداة الـبيـن خـبّرعن رواة أهل النجايب      يـا ل حـظ ٍ لا غـدا بـك مـا على الراوي عقوبه

كـنت أناظر في غيابه كيف تذوي به أطايب؟      كــيف نــيّاتــه تـهاوت ثـم تـهاوت فـي دروبـه

يـستـتر رونـق ضحاها عن مجاديب المعايب      والـعروب الـلي اتـودد , فـيك تـتقـاطـر عذوبه

فـيك يـتبـاهى بـقايـا الـطلح ,, والخّفاق ذايب      لا شكى منضود طلح ٍ يالهبايب ,, وش ذنوبه

ليه تسهيدة أديمك ,, لا سكن نوح الشطايب      تـوقـظ الهاجس وينكف يوم خلق الله سروا به

لـيه جـمّلـت الـليـالـي مـن وهن ذيك الروايب      كـل مـسرى بي تّكوم لاح في وجهي شحوبه.