فــينــي قـهر مـوزون بـالـكيـل والـمن
قــهر ٍ يــهد الــحيــل لــكنْه مـابـان
كـل الـجوارح عـن هـوى الـناس تنهن
إلا قـــليـــبي مــهتــوي طــلة فلان
لـــكنـــه بلا شـــك مــلبــوس بــالــجن
والا بلا ذيـــها تـــردّى لـــيا هـــان
صـابـه سـهام الـخود مـن يـوم يـرمـن
وادري قـليـبي قـبل هـالـيوم مـالان
قـلي خـليـفه , وش بـه الـقلب يحزن ؟
تـكفى دخـيلـك لا تـقل إنْه شـرهـان
كــانــت بــنات الــحي إن بــعت يـشرن
واليوم بعت ارخيص وبسعر تعبان
مــن كــثرة الــترقــيم والــلي يــحبــن
دايــس عـلى لـرقـام بـطرة وخـقان
والـــيوم رقــمي مــا لــقالــه ولا one
كـنه غـريـب مـضيـع الدرب حيران
حسبي على اليورو وحسبي على الين
فـي سـوق هالدولار مليون بطران
لــين انـتكـست وسـالـب الـبيـع مـا رن
مـا غير لون الدم في جيب خسران
أفـــقر أنـــا لـــفقــير والــناس تــغتــن
حـتى من التشميت ما رحت سلمان
دارت عــلي احـسوف والـخل مـا حـن
لـين اكـتويـت بـهم والـكل فـرحـان
فــينــي ونــين الــموت لــكنـي مـا ون
ونة خـفوقـي تحرق الجوف يافلان
مــاظـن بـديـلك يـسكـن الـقلـب مـاظـن
قـلبـي بـحبـك غاوي الدرب سكران
مــنهــو يــلم جـرنـاس إن تـاه أو جـن
فـينـي الـملامـه ترجع بغم واحزان
