ياشعار الحب يالفخري

يــاشــعار الــحب يــالـفخـري       آســري أرفــق بــمآ سـوري

لــدنــي حـبك مـدى الـدهـري       لــين خـلى صـدري كـسوري

كــيف مــاتــدريــبي وتــدري      يــالــضنــا وتــلف وتــدوري

غبت عن طوري من القهري       مـانـقهـر شـرواي مـقهوري

مــابــقابــي شــي يــنذكــري       مـن وزا الـتثـريـب وكـدوري

حـــبك بـــلفؤاد مـــنفـــجري       وفـوق هـذا تـجرح شـعوري

مـالـي بـشرواك فـي عصري       لـو جـنابـك خـذ لـي بـشوري

الــضيــا بــضيــاك يــنبـهري       وانـقهـر مـن نـورك الـنوري

وانـبطل من سحرك السحري       وأغـتبـط مـن وردك الجوري

وأنــعزل مـن طـلعـك الـبدري       وانـت نـوري وانـته الحوري

انـت شـفعـي وانـته الـوتـري       ووانت راحي وانته سروري

وانـت صومي وانته الفطري       وانـت لـي بـاللوح مسطوري

وانــت عــيد ولــيلة الــقدري      وانــت ريــحانــي وكـافـوري

وانـت عسري وانته اليسري       آمــري لــك طـوع مـامـوري

وانـت حشري وانته النشري       وانـت شمسي وانت لبدوري

وانــت جـنة عـدنـي ونـهري      لـــول مــرجــانــي وبــلوري

جـــوهــري يــادري وتــبري       وانـت طـوبـاهـا ولـقصـوري

اســـمك بـــلفؤاد مــنحــفري       بــالــوداد ولــيس تـبشـوري

شـلت مـن حـبك عـلى وزري       هـــوب عــنك قــادر آثــوري

روف بـي مـليـت مـن صبري       خــاف مـن ربـك ومـاجـوري

قــبل لا يــقصـينـي الـهجـري       وأنـــتقـــل عــنك بــلقــبوري

روف كــانـك تـبغـي الأجـري       ثــيب لــي حـبك ومـشكـوري