عساه بخير ....
لــك سلام ٍ عــد هـالايـام , و الـيوم احـتريـته
يـا عـساه بـخيـر , وعـلوم الـمفـارق كـلهـا خير
ان بـغيـت الـعذر لـجله , قلت عذرن له بغيته
وان تـجاهـلت الامـانـي قلت ما جا منه تقصير
لـو عـلى عهد ٍ قطعته , شي في نفسي طريته
مـا تـوجـست الـليـالـي خيفة ٍ , من عقب تفكير
رحت جملت الصروف العاتية , حتى سريته
داجـي الـفرقـا , و دمـعات الـدياجر حرها غير
تـسرج انفاسي , متون اشواقها , يمكن نسيته
انــي فــي يـوم نـسيـته و كـل هـالـدنـيا تـقاديـر
قـدر الله , ابـتعـد , و انـساه ومـن ثـم احتويته
كـنه الـخافـق عـلى كـف الـعنـا مـن دون تفسير
كـنهـا روح ٍ عـلى جـمر الـهجـاد , ولا غـفيته
الـفضـا يـنهـال فـيني , و الهواجس غاير البير
كـنهـا عـينـي تـناظـر , هـالـيبـاس ولا ظميته
ارتوي من فايض الذكرى و هي مثل الأزاهير
ان يـشتـتنـي الغياب , اقول يا الذكرى رويته
فـي رفـوف الـصبح , ترقد هالقصايد والتعابير
يـرتـمي حـرفـن تـثنى و يـرتمي حرفن سليته
و الـنوايـا تـثيـر هـالـذاري ولا من ريحها تثير
نــية الـمشـتاق ذابـت بـين ,, يـا لـيتـه ولـيتـه
و نـية الارض الـسخـية في ملاذ الغصن للطير
يـا بـعد روحـي و يـا مـقلة عـيون الـلي فـديته
يـندفـع لـك هـالـغلا والـود فـي صدري طوابير
يـندفـع لـك شـوق ما يشبه سوى طاريك جيته
يـا عـساك بـخيـر , وعـلوم الـمفـارق كلها خير
