ركاب ترحالي
يـغيـب الـشعـر واتـحرى اثـر سـالف عناوينه
ولا أْدري ويـن افـكاري تسوق ركاب ترحالي
دروب شـتات وإحـساسـن تـتوهـني مـياديـنه
تنرجس بي شجن ذوقه وسراني على العالي
احـاول كـان تـرويضه بشي يرضي مساجينه
ولــكن حــجتـي تـضعـف اذا جـريـت مـوالـي
مـن اقصي جرح بحروفي إالى ادنى شياطينه
وانـا لو احسب الخطوه يموت بناظري التالي
كـذا صـار الـغرور احلام فـي مـجمـل تلاوينه
وقـدر الـشاعـر الـمتـعب يـعيـش بـهم غرالي
سجين اشواق مكسوره بكف تجمح سكاكينه
اذا مـاجـات فـي ظـهري غـرسـها بعين امالي
تــحدي او طـبيـعة حـال يـستـهوي مـعاديـنه
بـكيـف الـلي بـقى يـحكـي يـبلـغ ارض عذالي
انــا مـالـي ومـال الـلي ذبـل وارف بـساتـينـه
قـبل مـااشوف وش ذنبه كثير اللي على بالي
سـنيـني والـعمـر وقـفه وحـلمن عشت تابينه
وفــال الــحظ لـي مـبطـي ولا اذكـر تـهيـالـي
تـفاصـيلـي ضـدايـد وقـت تـتنـاقض مضامينه
ارحـل بـعضـها والـبعـض تـتوسد على حالي
