درس من الطبيعه

الـنحـل اصـغر حجم م الوردة      لـكن عـطانـي الدرس بالازهار

يـامـا انـتظـرتـك طول هالمدة      توفي الوعد في وقته المنهار

والـغايـب الـلي مـاوفى وعده      غــرّه مــداهــل حــظه الـغدار

صـح الـحظـيظ يـنام فـي خده      لــكن تــأكــد هــالــزمـن دوار

كـم قـلت انـك قـرم ف الـشدة      كـم قـلت انـك قـد هـالـمشـوار

لـين اكـتشـفت انـك م هو قدة      حـتى اسـتباحت خدي الامطار

مــن لا يــقدر قــيمــتك هــدّه      لا تـلتـمس لـه جـملة الاعـذار

والـصبر فيني من وصل حده      بـدلـت ثـلجـي بـالـجمـر والنار

والـبحـر جـزره غير عن مده      مــا يــفهــمه إلا ذكى الـبحـار

لـــو دورة الايـــام فــي يــده      مـا أجـبره فـقره على الاخطار

لــكنّ عـمري مـن بـدا عـهده      كـان الـرتـم سـايـد على التيار

لـين ابـتدى الـتغـير مـن عنده      شوف الطبيعه تعرف الاسرار

مـا كـلّ مـن يـعطـيك من وده      يـصبـح حـبيـب يحبك بإصرار

شوف النحل ياكل من الورده      لـكن يـهاب الـشوك بـالازهـار