الا انــا وتـدري/ انـا الـلي يـحفـظك/ عـن ظـهر قـلب

غـابـت تـفاصـيلـك/ سـنيـن وجـيتـني/ مـا كن غابت

ظـميـان وارفـض/ كـل عـين اغرت/ معاليقي بشرب

تـطمـن انـته هـناك/ مـا غـيرك سهامه/ بس صابت

بـحري طـويـل/ ومـا كـتبـته غـير فـدوة/ لـكل صـعب

جيتك ابا اسكب/ في يديك الشعر/ والهقوات خابت

مرسوم وجهك/ في السحاب اتخايلك/ شرق وغرب

ويـن ادور ؟/ مـا بـقى داخـل خـفوقـي/ عـرق نابت

مـا شـفت من لون/ السلام اللي بشفاتك/ غير حرب

ادمـانـي وكل/ جرح يصرخ وين/ ثأري واستطابت

نـغمة عصرها/ الحزن طارت بعدها/ الاحزان سرب

تـرحـل مـع/ طيوف السوالف كثر /ما ودت وجابت

بـايـت وامـني/ الـنفـس يـا احـضانـك/ بـلحظات قرب

واقـف بـجنـب/ الـنافـذة واشـرت بس/ عينك تغابت

مـا جـيت اسـتغـفر/ ذنـوبـي ومـن مـتى/ فـرقاك ذنب

جـيتـك هـدايـا مـن/ شـموع الوقت قبل/ القاك ذابت

مـا تـوصل الخطوات/ بعض احيان لو/ للوصل درب

يـالـيت كـل مـا/ ارفع كفوفي بدعاء/ كان استجابت

وتـبقـين لـلحـظة/ رغـم كـل الـمواجـع /ماااااي عذب

اورد واظـمأ لـو/ شـربـتك سـالـفة /شـاخت وشابت

ما تدري يا/ ساقي زهوري ان حبنا/ راسخ وصلب

فـي وجـه اقـوى/ عـاصفة وما ينحني/ للريح ثابت

كـل الـهدايا ما/ تساوي شخص اهدى /لشخص قلب

وكـل الـوجـوه/ اللي تسافر حاضرة ما/ يوم غابت