تنسى

تنسي وانا في داخلي جمر~ن ونار

ماتنطفي إلين تحرقني واموت
أهون أموت
من العذاب
أهون ولا سيف الغياب
إللي طعن ظهري ونسى
ان الطعن بالظهر هو طعن الغدر
لاتسأليني ليش روحي تحتضر
لحظة ابسأل حضرتك
 قبل أمس كنا عاشقين
والحين فرقنا القدر
ياكيف ماتبكيك عين
في يوم كنتي لي قمر
اليل بعدك ما هو ليل
لما طفى شمعه الهبوب
والقلب ف غيابك عليل
والوجه من بعدك شحوب
****

ياترى وش هي علومك
تذكري ولا نسيتي
ياترى تقضين يومك
بالسعادة واهتنيتي
ياعسى ما زرت نومك
طيف فزيتي وصحيتي
ما ألومك ما ألومك
من غلقتلي باب بيتي
يسألوني عن علومك
ليش رحتي وختفيتي
ما درو هاليوم يومك
من حياتي أنتهيتي
****

صدقيني هذا قلبي
قلبي إللي بيوم حبك
حب قلبك
مانبض نبض الخيانه
صان ف الحب الأمانه
بس قلبك ليش خانه
*****

أنتي مريم يالعفيفة
أنتي مريم يالشريفه
مريم اللي كنت أحبك
ولا بعد لا زلت أحبك
كنت أبحر في بحورك
كنت ساكن في قصورك
كنت انا مجنون ليلى
وكنتي ليلى العامرية
تذكريني أونسيتيني
يامريم
تذكريني من هجرتيني
يامريم
انا عمري مانسيتك
ولا أظن انساك لحظة
بس وينك ما لقيتك
يوم قلبي مل نبضه