ليلٍ يفوت وما سكن به كل حرفٍ من سهاد ..
ما مر والا فوق صوت الريح من صمت أقرباي
ما غط هدر الموج من كل الجهات بهالسواد
الا قضى من كل كوخٍ زهرةٍ ماجت معاي

الليل ضاق .. وكل هالدنيا صحو
ما ضاق الا هالبحر .. ضاق وتمّوج
ما يهد إلا الهدوء ..
من حدود النبض ..
لآخر انهزام !
من حدود الريح .. لآخر رملةٍ
بالبحر .. بكفوف الصغار ..

الخوف كلما تصمت عيونٍ من الرهبة يُعاد ..
ينفخ من الباقي بأمان اللي بقى من كل جاي
يزحف على كل انسيابات الخجل من هالمُراد
ما سكّنه الا اليباس اللي قضى نحره وبــاد
هذا السكون وما تبقى مْن فراغاتي انسداد ..
هذا الجمود وما تسلل من سياجاتي عُراي !
هذا الجنون اللي يمر وما يجافيه العبــاد
مْن الدعاء .. وهالسجود يزبّد الصبح بمساي!
***
مرن ثلاثينٍ من الحرمان والجوع .. البِعاد
مرّن مواسم كل قحطٍ يرتجي مـ الماي ماي
كانوا يمرون المراكب من حدود الإبتعـــاد
ما حملّوا من داخلي إلا فراغ في فـــــضاي
مروا مثل حلمٍ نبت بين الضلوع من السواد
يا ليتهم حلّوا على حالٍ ولا به من سواي !
الليل اقرب من عنا الحلم ..
السهر ..
والإنتظار ..
الليل أهدأ من ضجيج الصبح ..
والنور ..
الحصار ..
كانوا هنا في كل أرضٍ يزرعون ..
الورد لك ..
كانوا هناك بكل ما / لك من حنينٍ يشبهوك ..
ما حملّوا من بعض وردك ..
ما ذرته الريح ..
من كثر الحديث ..
وما تبقى !
ما فاقوا الا في ثراك يعطروا .. ارضك
بانفاس الرحيل ..
مروا مثل سرب الفراش ..
وما تبقى من عطرهم .. غير انتي
يا أنتي اللي لو يموت الكل .. تبقي
وردةٍ ما يوم تذبل ..
تربةٍ لو ينقص الماي بثراها ..
نعتصر أجسادنا ونرويك ماء ..
نمتلي روحٍ يناديها الضماء ..

وهكذا كانوا يمرون المراكب والعتاد ..
يرحلون بكل خفه ما .. ما يشتّون بأنـاي !
كانوا اجمل من رحل من دون أرضٍ في بلاد ..
تنحني للريح .. يبكوا شعبها ! زمرٍ وناي !
كانوا أنقى ما ذرته الأرض من عمر الرماد
كانوا أرقى من سفر جرحي على مقبل خطاي!
سافروا ..
ما عاد باقي .. غير أرضط !!