تـرف بـداخـلي ومـضه ولـك فـي وسـطهـا مركاز
ومـن غـيرك يـشتـت لـي نـبض قـلبـي ودقـاته
دواعـي الـشوق تـخزرنـي بـنضـره كلها استفزاز
وانـا مـن حـر جـمر الشوق قلبي يسبق اوقاته
كـفى لا تـكتـرث يـا قـلب تـرى نـبضـك بـحبـه فاز
وانـا كـافـي يـناظـرنـي وشـوقه يفضح اسكاته
تــهجـيتـك عـلى مـهلـي مـثل مـا طـقطـقت عـكاز
مـسافة.. تـك مـسافة.. تـك ولا تـفنى مـسافاته
اعـزك يـا عـزيـز النفس غديت اعز من لي اعزاز
طـلبـتك عـطنـي احـزانـك وقـلبـك يـزفـر اهـاته
رسـمتـي فـرحـه الـخاطـر ونـبضـك حولها برواز
ولـونـتي بـلون الـورد غـرف قـلبـي ونـبضاته
بغيت اختصرك ف شعري بكل روعه وبكل ايجاز
عُلا، حـسن، وكـرم، عـفه ومـخ تـصيب كفاته
وشـف طـير الـشعـر لـجلـك يرفرف مثل حر الباز
ولــكن مــا قـدرت اوفـيك ولـو طـرزت ابـياتـه
نـعم حـزتـي نـبض قـلبـي وقـلبـك يـا لـغلا قد حاز
رويـتي الـحب فـي قـلبـي وعـطشـتي مـعانـاته
بـعد مـا نـاح فـي صـدري حزن والسعد به معتاز
سكبتي الحب في قلبي وغدت خضرا مساحاته
وحـققـتي ف قـلبـي شـي كـان ابـعد مـن الاعـجاز
سـعاده تـغمـر اربـوعـه وفرح يرسم مساراته
وصـرتـي اعـظم احلامـه وقـربـك يـعنـي الانـجاز
وبـعدك يـعنـي الـحسـره وجـمرٍ صـحى اهـاته
وويــن اضــغاث احلامــي ويــن الــشك والالـغاز
نــورتــي طــريــق الــقلـب وشـتتـي مـتاهـاتـه
بــكل مـا تـحوي الـكلـمات مـن مـعنى انـا مـنحـاز
نـعم مـنحـاز انـا لـقلـبك عـسى تـبرى جراحاته
مـن الـمقـبول الى الـجيـد الى الـجداً الى الـممـتاز
وش يـعنـي لـك الـتصـنيـف ولك اعلا حساباته
