كـثيـر ابـعد وأنـا بقرب المدينة اللي حوت طيني
أمـانـه يا حواري الطين نامي و (ارجمي) البيبان
أجـي مـثل الـضريـر و فـي يـديني أجمل سنيني
تـرى وش فـايـدة أجـمل سـنيـن بـقبضة العميان
سـكنـتيـني ثـرى سـوق الـقديـم اعـتق دكاكيني
تـموت الـذاكـرة وصـمت الـنخـيل اليابس العوان
عـلى مـا جـيت لـك و فْ داخـلي أسباب تخميني
تـمرجـحنـي الـريـاح بـكل سـاعة ويـنهزم إنسان
و لا طـلتـي هـزالة ه الـجسـد وانـتي سـكنـتيني
صـباحـك هـو صـباحـك والـمسـا تـكشيرة النيبان
عـلى مـهلك تصبين الغضب !!.. ما فتحت عيني
ضـريـر وقـلت لـك : "لا تـخلفي للذاكرة نسيان"
أجـي مـثل الـوجـود الـلي تـمر أخـضر بساتيني
خـرجـت ومـنتـعل كـل الـيبـاس بـداخـل الـبستان
وأنـا هـذا عـلى مـا تـشتـهي مـكسـورة يـديـني
يـزاحـمنـي الأمـل وأجـبر كـسوري لآخر الأزمان
يـا رمـان الـضواحـي مـا فـسلـتك لـجل تـطنيني
رويتك لجل ما يضمى ترابك \ عشت لك عطشان
سـجدت بـلوح بـيبانك صلاة السهو .. واعفيني
غـسلـت الـذنـب مـن دم الـوريـد وجـنح العصيان
كثير ابعد وأجي لنفس المدينة اللي حوت طيني
أمـانـه يـا حـواري الـطيـن نامي و افتحي البيبان
