 |
قسم صفاء القلوب
فضول |
|---|
جتني تقول .. لو تسمحي عندي فضول!!!
أبسألك .. ليه الحزن يملي عيونك..؟!
أبسألك .. ليه الألم غطَّى جفونك..؟!
قلتلها :
ياللي تسأليني .. عن هَم دايم محتويني
غربتي ياهي صعيبة .. وتقتل الأفراح فيني
قالت لي :
قالت لي بصوتٍ حزين
ودمعها طال الجبين
غربتك ياهي سنين
غربتك ياهي سنين .. بتنتهي يوم وتروح
وترجعي لأهلك أكيد .. وينتهي نزف الجروح
أمَّا أنا
*****
واسكتت ..!!!
وامسكت ايدي وبكت
بعيونها
شفت البحور اللي تقول إنَّ الحزن .. أصلي
شفت الشعور اللي يقول إنَّ الألم .. أصـــلي
شفت الفصول الأربعة ما بينهم .. فصـــلي
بعينها اليمنى شتا .. وبعينها اليسرى ربيــــع
وبيهم لحظة دفى .. من قسوة أيَّامي تضيــــع
وبين العبرة والعبرة .. أشوف الصِّيف
ومرِّ الفرح في قبره .. كأنَّه ضيف
والعمر يمضي عليها غصن طيف
صدقوني عمرها شفته خريف
*****
وشفت الفرح .. مسجون مع عبرة
ويَّا الكفن .. وشهوده وقبره
سألتها ..ليش الدموع ؟؟
وجاوبتني في خشوع !!
لو سألتِ الهم والأحزان عنِّي .. تعرفيني
لو سألتِ الدَّمع والآلام عنِّي .. تعرفيني
لو سألتِ مِن سألتِ وإن رحلتِ بيوم فيني
صدِّقيني بتعرفيني
أنا اللي يوم أبي أفرح .. سيول الدَّمع ترويني
ولو صادف طريقي جرح .. تغرِّد به بساتيني
أنا اللي غربتي طالت .. أنا اللي دمعتي سالت
أنا اللي الوقت عاندني .. أنا اللي الوقت ربَّاني
أنــــــــــــا
أنا الأحزان يا بنتِ
أنا الأحزان ولا هنتِ
ولو تبغي الحقيقة حيل
بقول انِّي أنا
إنـــــــــــــــــتِ
|
|
|
| | |
