ذكّرتــني يــوم هــبّت..ريــح نــسنــاس الــشمــال
بـنت بـطنـا ...مـا عـرفت ولا لقيت إلها ، مثيل!
اشـملـت فـوق الحسن..والغنج ...والطيب ,اعتدال
شــامــخه مــثل الــثريّا ،،لا شـبيـه ولا عـديـل
يـوم كـنت / ويـوم كـانـت /غـير حـال وغـير حـال
يـوم يـمسـي /يـوم يصبح / كل خليل ٍ مع خليل
لا الــتقــينــا,,ابــتســمنــا،، واهـتنـينـا بـالـوصـال
ولا افترقنا بعض ليل ٍ ,,صارت اللحظات ويل !
يــــا وداد ٍ ..فـــاق حـــدّه لـــين وصّلـــته هـــبال
يـا هـبال ٍ .. فـي هـبال ,, ويا هبال ٍ فاض سيل
جــرّحــتنــي هــالــليـالـي وامـطرت هـمّي ..وبـال
لـين صـدّرتْ الاذيّه ،، فـي نـواح وفـي عـويـل
إضْربــوا فــينــي مــن الــليــعات،، امــثال ومـثال
وعـلّمـوهـا مـن ضـعن فيما سبق وقت الرحيل
ما اخْضعتْ...للذّل بنت ٍ ، بنت ْ ...هي بنت الرجال
يـوم ثارت وازرعت هالسيف..في صدر الهزيل
الــغلا لــه بــالــثنـايـا ( روض مـوروف الـظلال )
والـمعـزّه يـوم زادت ..شـمّخـت فـوق النخيل !
اعــتبــينــي ..واعــتبــينــي قــلت يـا بـنت الـحلال
والـميـانـه ! ...لـك ميانه من جديل ٍ في جديل !
بــسّ حــدّك لا جــرحــتي /واعـتلا صـوت الـجدال
مـآنـي ابْأصـغر عـيالـك / او سـفيـه ٍ او هـبيـل
تـحقـريـنه وان رحـمتـي ..قلتي : ( اقلط او تعال )
اعـذريـني / مـا اقـبل الـدخـان بـالـجو الـعليل !
ان خـطيـتي قـلت هـانـت / وان رضـيتي قلت: عال
وان انــا زلّيــت زلــه / مـا لـي الـساعـه وكـيل
الله اكـــبر..الله اكـــبر مـــن ســـوايـــاك الـــثقــال
ابـعدي عـنّي ولـك مـن خـافقي الشكر الجزيل !
مــا انــتي الــلي قـد عـرفـتك ، فـي ثـنيّات الـزوال
ولا انـتي الـلي قـد حـشمـتك مـثل اكرام الدخيل
حــسبــي الله هــو وكــيلــك ، يـوم حـزّتـني حـبال
واخـنقـتنـي لـين صـارت عـبرتـي تهطل هطيل
(غــالــيه) كــنتـي ولـكن... مـا بـقى لا جـلك مـقال
مــثل زرّاع الاذيّه ...لا ثــمرهــا ولا حـصيـل !
يــوم كــنتــي اجــمل الــواقــع الى حــد الــخيــال
ويـوم كـنتـي فـي خيالي ..اجمل الواقع /جميل!
فــي ســبيــل الله يــالــلي جــابــتك ريـح الـشمـال
واشـهد انـها مـا لـفتـني غـير بـاوجـاع ٍ تكيل !
قــالــها الــقايــل : دوام الـحال هـو عـين الـمحـال
لا بـقى زود الـكثـير .... ولا بـقى نـقص القليل
