آية الغفران

[خليفة الصائغ]

" آية الغفران "

صرخ صوت المروة حيل ومالت منه الأغصــان
بعد ما بات زوج البـــــــوم وماتت كل عصافيره

نبض عرق المــــــودة من تفاصيل الوله أشجان
وسالت محبرة شعري وترســــــــــم لك معاذيره

وطاحت لي حروف الشوق وأنا كفي غدى ميزان
وتـــــــــــــــــوزن فلسفة ذاتي وتعطيني تدابيره

اقطف من شجر عمـري غصن واحدد الأوطان
وترسم لك خيــــــــــــالاتي وطن يزهو بتعابيره

وتنمو فـ ذاكرة جرحي وتنثر مـ القصيـد أحزان
ترددها صدى الذكرى حكـــــــاية حب أساطيره

أساطير القصـــــائد سلسلت في داخل الوجدان
وأرخت لي سُـــدُول العشق وزادت لي عقاقيره

رحلت بفيض ذكرانا وطابعنا على الحيطـــــان
بصورة حرفي وحــــــــــرفك وسهم ٍ بان تأثيره

كتبت الشعر من قلبي وأنسج أعذب الألحـــان
ولا ادري بان الهـــــــــــزج يأخذني بأعاصيره

بعد ما ضاقت أنفاس القصيدة وسالت الوديان
لزوم أعطر إحســــــــــــاسي وأبين لك معاييره

جلست فـ صومعة بيتي وأتلـــــو آية الغفران
عسى يغفر لي الزلات ويتزحـــــزح مخاسيره

محاصيل المحبة والوفاء تبقــــى ترى برهان
تبرهن برمجة إحســــــــــاس وتبين مشاويره

تبلور حلمي الضائع على ضفة شذي النسيان
وباح الصمت في جــــــــوفي وبانت كل مقاديره

مزايا صوتي المفعم يعـــــانق رونق الأغصان
ومات البوم في غصني ورجـعت لي عصافيره


" خليفة الصائغ "