دعواتكم للي مريض والله دعاكم يقبله

[شاعرة الليل]

السلام عليكم ورحمة الله وبركاتة اخواني / اخواتي

:

القصيدة لـ الشاعر بشير العتيبي


دعـواتـكـم للـي مـريـض والله دعـاكـم يقبله
يشفي المريض الي مرض وازداد في قلبه عذاب

الـيـوم شـاعـركـم مـريـض بهـاللـيـالي المقبله
لا تـزعـلـو لامـن تـأخـر فـي سـوالـه والجواب

دق الجـهاز وقلت مـن هالـمـتـصـل وش معجله
رديـت مـرحـب ياهـلا دكـتـور امـر يـالـعـقـاب

قال انـت مـتـأخـر عـلـئ مـوعـدك حذرى تهمله
وبـكـره نـجـي لهلك نـعـزيـهـم بموتك والمصاب

يكـفيـك مـتـأخـر عـلـى قـلبك ومـرضـك يقتله
قـلت العذر منك نسيت اسمي وهو وسط بالكتاب

راضـي بحكمي والقدر وتـرى الـمـرض مانجهله
جـهـز لنا مـوعـد وراح اتـيـك لا تـكـتـب غـيـاب

واعطيك قـلـبي تـفـحـصـه وتـحـط موسك داخله
واقطعه يا دكـتـورنـا وافـهـم كـلامـي والخطاب

ميـر اطـلـبـك يـاصـاحـبـي قلبي بعطفك تشمله
واسرار قـلـبـي خـبـهـا لا يشـوفها كل الشباب

وابي اطلبك ايضـاً طـلـب مـوضـوع طـبـي عدله
اليا اسئـلـوك اهـلـي فـقـل الامـر مايبغي عتاب

بخـيـر مـا يـاتـيـه شـر واطـلـب خـويـك واسئله
وخـلـه يـقـول الـي اتفقتو فـيـه يـا ذيـب الذياب

وخـتـامـهـا ياصاحـبـي كـلـم طـبيبـي وقـول له
الي حـكـيته يـالـخـوي وافـهـم كـلامـي ياعقاب

يـحـفـظـك خـلاق البشر يـاذيـب عـالـي مـنـزله
فـي قلب يغزاه المرض والهم مـع طـرد السراب