شوف دمعة المقهور

[المزروعي]

السلام عليكم ورحمة الله وبركاته

انا عضو جديد في المنتدى

عشان كذا اكيد هذي بتكون اول قصيده اكتبها في هذا المنتدى الجميل

ارجوا ان تنال اعجابكم



"دمعة المقهور"

وقت شق الصباح ثوب الظلام وخاطري مكسور
ما تعلم من الايام سوى لجروح تطويني

وقفت وقلت ما ببقى على هالحال انا مجبور
بغير حالي وبنسى صدى ذكرى تجاريني

مسكت اوراقي اقلبها عسى اكشف عن المستور
ولكن ما وجدت الا كتاباتي بترثيني

لقيت صورها وبسمه تشرح خافقي المقهور
وكتاباتن خطتها على معنى كتاباتي

احبك آه لو تدري لك الاحساس وكل شعور
كلام في محجره يحكي هوى صدري ومعاناتي

ذكرت احلى ليالينا فرحت وخاطري مسرور
ضحكت من شدة الفرحه وجفت كل دمعاتي

هذيك الي اذا قالت احبك صرت انا معذور
خضع قلبي غصب عني وحرك كل وجداني

يغني صوتها يلحن مثل ما يغرد العصفور
ينسيني شقى الدنيا يدخل وسط اشجاني

اجت جنبي وحضنتني محت فيني شقى لكدور
تسرح شعري وتحكي حكاية صدق احساسي

حبيبه جمالها يخجل منه فاتنات غرور
مفاتنها دفى نظره تذوب كل اشجاني

تطيع الشمس اذا تمشي يغيم جوها ممطور
تشق الارض ازهار تنبت في بساتيني

وفجأه طاحت الدمعه نظرت مرايتي مذعور
حل الصمت فالغرفه انتبهت وقلت وش فيني

خلاص انسى معاناتك هي راحت وانا مهجور
خلاص انسى شقى الدنيا تعبت وحالي يرثيني

مدامك ما تبي الذكرى اكتم خافق المجهور
تعلم تحب هالدنيا ومسح دمعت سنيني

اجي انسى تذكرني تفكر عكس ما بي يدور
تعيشني فهوى ذكرى ما عادت بتعنيني

يا قلبي بس افهمني وطبق كلمتي بشعور
هي راحت وانا ابقى وصفحه جديده تكفيني


والسموحه


لاتنسونا من الردود

ردودكم تشجيع

.
.