وكيف الحب

[طلال الغساني]

مساء الحب اقدم نصي المتواضع اتمنى ان يروق لكم

وكيف الحب ياسعد السنين الساكنه لهداب
وكيف الحب ياوجه الشباب الحالمه الخضراء
غيابك طال ماباقي ذكر الا بقايا شغاب
غيايك خانق حضوري وصارت جنتي صحراء

جمالي تعبت تجوب الهضاب واتبع الاحباب
وان مابين اهات الحنين العاجزه تبراء

تربى في حنايا الضلع طفل محروم هالالعاب
وصارت بين ضلعيني مروج واتربه غبرا

كذا هي حالتي بعد الغياب الحارق الغلاب
كذا هي حالت الدنيا الوسيعه خانها المسرى

كذا بعدك يخليني اسيرك ساكن المحراب
ادورني ولا القا سوى احلامي العثرا

احلق افرش جناحي لوحدي خانني الاصحاب
ادور بين اوراقي شجون العاطفه العذرا

تعلي لملمي كل القصيد بدفتر السياب
ابا افتح كل شرياني خليج وعطرك المجرى

ابا اسكب كل مافيني يباس واشهد اني تراب
اعوذ بخالقي اني اخافه كل مايطرى

دخيلك قربي ذيك السلال التارسه اطياب
تعالي انثري كل الورود اليانعه الحمرا

تخطي كل حدود الحب عطيني صدقك الكذاب
عطيني كل ماتحمل عيونك وانتي الادرى

باني لو غلت الباب الاقيني بخلف الباب
ابقرا كل مافيكي طلاسم واغلط واقرا