حفلـــة جـــروح" القصيدة التي اهدتني المركز الثاني

[أحمد المغربي]

القصيدة اللتي اهدتني المركز الثاني في مسابقة كلية مسقط الادبية






حفلة جروح

وطن كانت حضاراتي تعيش وتغلق الأبواب
رسمت الفرحه في ذاتي بعدها كم رسمت بحور

بدت تغرق ملفات الفرح وأتمالك الأعصاب
بدت ترسي قوارب هالحزن في داخلي وتزور

مساحات العيون اللي تفيض وتغرق الأهداب
تبدد داخلي ذاك الظلام ومابقى بي نور

طفى حرفي وسط جرحي وانا أصرخ وش الأسباب
هجر فكري أمل وصلي بنى فيني الوهم ديجور

بدت حفله من أوجاعي تسابق خلفها لحباب
لبست الهم في نفسي وقلبي كم غدى مخمور

نعم هزيت لك جذعي/ تساقط طفل بي ماشاب
زرعت الشيب في نفسه/ وهو في داخله مكسور

دخيل الزهر وأنواع الغرام وصالة الأصحاب
تمر يم المكان اللي إنكتب فيه الحنين سطور

دخيل الحب واحلام الأماني وقلبي المنصاب
قبل ترحل أبي منك تحطم جسري المبتور

لأني عارف أحكام الزمان اللي بها أنياب
تعاود تجرح أنفاس الأمل في صدري المهجور

نعم مبروك لك خاتم ذهب في صبعك اللي ذاب
أناديلك غصب عني هنيالك بدون شعور

رغم فصل الجروح اللي بقى في داخلي ماغاب
رغم كل الطعون اللي رست فيني ثلاث شهور

أجيك أحمل (طفل حلمي) ذبيح وداخله أغراب
وأقول وداخلي غصه/ألف مبروك لك مجبور

أجيك وفرحتي ماتت وحزني زاد بي ماطاب
بنى فكره من أنواع الجروح اللي بنت له سور

حسافه زادت أوجاعي بعد صدمة أمل كذاب
بقى هاليأس في ذاتي يتابع قصتي بسرور

لبست الهم في حفلة جروح وماضي(ن) بي خاب
خلعت الصبر في رحلة أماني عايشه ف قبور

أحمد المغربي