(( كتــــــــــاب العشق )))

[راشد المشرفي]

أضع بين أيديكم القصيدة المتواضعة..علّها ترقى لذائقتكم الراقيه...

يا كتاب العشق دامك فالرفوف

ما وضح لي منك يا كود الأسم

هكذا قصة هوانا يالهنوف

ما كتب ربّي فحبنا نبتسم

أهلك بحبنا درو صارو سيوف

ضدّ عاشق قاطعً لجلك قسم

يذكرك بعداد ما ينطق حروف

ويعشقج ما دام روحه فالجسم

أبعدوك ولا بقى صوتً و شوف

والحزن في عين راشد ينرسم


للدمع صوتً مثل ضرب الدفوف

يوم في أرضي تناثر وأنقسم

والعيون الي بها طيفك يطوف

فيح ماطرها معلّم كالوسم

أزفر الونّه قهر فأعماق جوف

لين ما صدري خلا منه النسم

الضروف... الله حسيبي ع الضروف

كم ضميت وما هدتني غير ( سم )

ماتفيد اليوم عصرات الكفوف

حبّنا قد ضاع أمره وأنحسم

والكتاب الي تخبّى فالرفوف

دون ما أقراه يكفيني أسم