...وش أخبـاآآركــ .؟!

[كمالية بنت السلطنة]

...


وش أخباركـ؟
تعبت أنشد..عن أخبارك
بسّ الصوت (يخذلني)
و حرفي ما يطاوعني ... عليك أسأل!
حيا سمّه أو مْكابر
غبا..من قلبي الصابر
أو إنّه حسرة و خذلان من صوبك
أبد ما تفتكر فيني
حيّت أو متّ ما همك
و كلّ الناس يدروا بك
بأن آهم شي عندك...
[لبسك / شكلك / أسلوبك]!!
و لا جاد الهوى صوبك
و أنا كنت أتحري قلبك
يجي و يدلّني دربك ..و لا جاني/
و تهت فـ زحمة دروبك
يـ أغلى الناس في عيني
يـ حب أنصاغ من بدري
بـ قلب ٍٍ ما عرف إلا
عشق رب ٍٍ خلقني (من دفا الطينِ)
نعم قالوا : "كبرت و (قلبي) اللي ساكن ٍٍ جوفي
غدا أكبر/
و يمكن يوسع لـ أكثر
ولكن داخلي طفلة /
ما تعشق و لا توله
و لا تعرف ف هاذا الكون
إلا الأهل والدينِ
و لكن داخلي طفلة
تخاف تضيع فيك أكثر
و تتألم و تتكدر
وتتحسر عليك أكثر
و هي بـ ذات ما تقدر
أبد والله ما تقدر/ لـ عينك تنكوي و تسهر
يـ أشقى من شقاوة(أختي الصغرى )
يـ أنقى شخص في كوني و أوفاهم
يـ فرحة نفسي (الكبرى
يـ" أسماهم"
متى تفرج عن الأسرى
(قلبي و دمعتي و فكري)
متى تكفى تعلمّني/
ترا والله ما أقوى
دخيلك ردّهم لي يوم و أنا أوعدْك
بـ ردهم عند عتب دارك
دخيلك ردّهم بس (يوم) حتى أعرفك أخبارك/
وش أخبارك؟
...
كمالية ...