تصدق

[ساعد عبيد]

تصدق ..
لو للألم عين ما ناحت اجروحي
وتصدق ..
لو للأمل ظلمة
كان شاخت احروفي
بس الأكيد إنك ..
عيون ما شافت احروفي
وألم ممتد يصرخ في عتمة ابلادي
وهذا الأكيد :
إن الأمل ما ينولد في الضو
وإن الألم هو الحياة
هذي مواعيد الأرض للذات
تحمل حصاه في يديني
وتنكسر هذي اليدين
لها موعد مع الدنيا ومع مواويل الألم
ولها نظره بعيده ما تنولد في الضو
هو الأمل ..
وكلي أمل إن البقا
للي ظلم وثمّ عدل
وهذي حكمة تنولد
وكلي أمل إن البقا
للي تهاوت مصيبته
على ذواري هذي الجبال الساكنة
وهذي حكمته ، وحتى حكمتي
تختار :
الفشل كل الفشل
والمواجع
وهذي تنوح مثل :
الطارج اللي بكى وأبكى
من معه
وهي تنوح مثل :
الونة في شوقٍ تهاوى
واتعب كل من هوى
وهي تنوح
تنوح
للأرض
للذات
للروح اللي تعبت
ولا هي اوصلت
بس
صلّت ترانيم الحياة