مصافخه اولى (عقارب ساعتك)

[علي الغنبوصي]

السلام عليكم و رحمة الله وبركاته

تحيه طيبه الى جميع اعضاء هذا المنتدى الشامخ

اتمنى ان اكون فرد من هذه الكوكبه الجميله من الشعراء و الشاعرات

وتحيه خاصه الى الشاعر الجعلاني الكبير صالح السنيدي

و الذي اعتبره هامه من هامات الشعر

تقبلوا مني هذه المتواضعه

علها ترقى الى ذوائقكم الشعريه

صباح الخير او مساء الخير

اضع بين ايديكم هذه المتواضعه

مدخل

ضاعت الحسبه على موعد لقاك
واللقاء لو فات ما يحسب لقاء

استقي شوفك وانا ضامي سقاك
والموارد قاطعه ماي السقى

بسألك بنت المطر تشبه نقاك؟
جاوبي دام الصدق وضح النقاء

احسد الغيمات لو تشبه رقاك
وانتي النجمات في اعلى رقى

عاصف الأرياح يكسرها بقاك
والجبل اقوى تواصيف البقا

بنتخي قلبي و لو مني وقاك
ليه جمر الشوق ماله اي وقى

( عقارب ساعتك)


ما يروي الضميان قطرات السراب
دامك تشوف الجدب بطراف الحصيل


نامت على صدري سواليف و عتاب
وشبت على فرقاك نيران الفتيل


ليلي حزين وخاطري مكسور ناب
كن الوجع قاصدك شروات الدخيل


كنت احسب الدمعات في ضيق ومصاب
ايلين سال السيل في شوف الخليل


ليت العمر ما كان به سحب وضباب
ما كان شفت سهيل بدروبي دليل


الله على اللي غافل(ن) معنى الثواب
اللي على الممنوع شهواته تميل


ياصاحبي والقلب من بيض السحاب
لا من غدا كالغيم امطر لك هميل


ياما طعنت الهم في قرب الصحاب
دام المخوه سيفها سيف(ن) صقيل


في داخلي نزفين من نصل الغياب
الأولي جفواك والثاني رحيل


سمت عقارب ساعتك حالي و صاب
كل الجسم رجفات من حال العليل


ياللي بعادك غارق(ن) وسط العباب
ماكان بالحسبان تهديني مجيل


خيط الصبر تلقاه في فك الصعاب
اما تشده حيل ولنّك قتيل


ماشفتني يوم الحقك وقت الذهاب
اسبق خطاوي عاذل(ن) يصهل صهيل


يرعى من اكتافي ويلسع كالدواب
و ينخر على عودي شرى دود النخيل


مازحزح الخفاق وديان وشعاب
وما جف وصلي يوم قبضات البخيل


وقف ثواني طالبك رد الجواب
قلي انا فالبال ولا لك بديل

مخرج

ياموسد(ن) يدك ف طرف الخاصره
هونك على خصر(ن) ثقل فيه الحمل

اما تخف يدك عليه تباصره
ولا انكسر قدك وعيا يحتمل

دام الدلع معقود وانت محاصره
خله على حاله ويعمل ما عمل

زينك كمل ما فيه آيت قاصره
غير الخجل كحل عيونك واكتمل

الريق طعم التوت فمك عاصره
اسكرت طعمه وانثمل حالي ثمل