" ليه الجفا با صاحبي "

[حسان الحوسني]

بعد الآخذ بنصائح الآعضاء الكرام آرجو ان اكون قد وفقت في هذه القصيدة:

تدري وش إلّي ضيّعَك يا "ملاك"
إنّـــك تـجافيـنـي وتنـكـر غـلاتـك

تـنسى ليـالـي عشتهـا فـي مـسـاك
ما كنّ لك صاحب يحاتي جراتـك

تـقـفـي لـيـا جيـتـك ونـاوي لـقــاك
وأعـذر غيـابـك وأكـذّب وصـاتـك

وصّـيتـنـي ودّك أنــســى غـــلاك
مـا كـنّـك إلّـي مغْترب في حياتـك

أسمَع قصيدي يـنْـتشي فـي حـلاك
ينطق: ترا طبعـك يـشـيّـن حلاتـك

فـي غيـبتـك أَستُـر سوايـا خَطــاك
واكـذِب على نفسي واجمّل بذاتـك

وشـلونِ تَنْـسانـي عقـب مـا لـفـاك
من صاحبٍ يسهـر ليـالي خـلاتـك

مـا تدريَ إنّي فـي غيابـك غطـاك
مـا تدري إنّي منبهر فـي سمـاتـك

إفهـم!! أنـا مـانـي بسـايـر خُطـاك
بُعدي عنِ دْروبك!! ترا ذا جزاتك

مـا لـي معك ذكرى ترجّع سنـاك
الله يـصـبّـرنـي ويـغـفـر سـواتــك