القلب العنيد مصافحه اولى

[يوسف بن سليم]

كيف تهجر قلب مغليك يالقلب العنيد
وكيف من بعد المحبه تروح وتبتعد
كنت احسبك صاين الحب ون قلبك فريد
مايخون الحب لو خان خله بالعهد
وكنت احسب الحب يبقى على العمر المديد
والغلا والشوق من بيننا ماله عدد
وكنت احسب العيد يحسب على جيتك عيد
ون شوفك يشرح الصدر ويطير النكد
وكنت اغني في وصوفك واجيب احلى القصيد
القصيد اللي تميز بوصفك واعتمد
وكنت اردد ماتقوله عن الفرقا واعيد
كل كلمه قلتها بالوصال وبالوعد
كنت مخدوع بكلامك واطالب بالمزيد
ماحسبت البيت مبني بلا طنب وعمد
لين طاح الفاس بالراس والعلم الاكيد
اختلف وضع البلد بعد كان اجمل بلد
طاحت اجبال ومباني على ماانته تريد
وانقطع حبل المحبه وحبك ماصمد
ماصمد غير الجروح العميقه فالوريد
تشعل النيران فيني ليا طيفك ورد
وماصمد غير الحروف المقيمه فالرصيد
كل ماهز القريحه تهيض وتستعد