دكتووووور

[مبارك سعيد الغيلاني]

كما هي تعبر عن محتواها وتلبي طلب أخي العزيز عقاب العيون...وتواصل مع الأخوه راود السلطنة الأدبية

معذور يا دكتور معذور معذور
*** دامك جهلت الجرح قبل الحقيقه

دكتور لو يوصل لها لجرح دكتور
*** كانه عطا أسم الشهادة صديقه

دكتور لا تتعب معي تلف وتدور
*** مانته بشال الضيق من وكر ضيقه

ماني على وصفاتكم حيل مجبور
*** ولأنتم قدرتو تخمدون الحريقه

عانيت عام وعام وسنين وشهور
*** وأيام عده وساعتين ودقيقه

وسافرت من هم(ن) بهالقلب محفور
*** عل السفر يلمع عليه بريقه

وصلت في بانكوك وأمسيت مقهور
*** وأصبحت في بوكت ونفس الطريقه

وحجزت في رحله إلى كولالمبور
*** وشفت البشر كل(ن) يداعب رفيقه

يتبادلون انفاس واحساس وشعور
*** وهمسات تصدر من مشاعر رقيقه

وأمــا أنـا يالليل أمسيت مبهور
*** عيني غدت من كثر دمعي غريقه

ياليل ليش السحب ماتحجب النور
*** وليش النحل يمنع عليّه رحيقه

رحلت أدور فايده جيت مكسور
*** مكسور من كثر الجروح العميقه

وسواااااااااااااالم