تــــــــــــــاج راســـــــــــي

[خليفة الهاشمي]

تــــــــــــــاج راســـــــــــي

الحمد لك يا رب يا خالق الكون
يا خالق الارض وسما كل الاكوان
يا منزل الرحمه ويا معطي العون
يا مسخر الاطياب للطيب اعوان
يا مغرقٍ ف البحر طغيان فرعون
سويت به عبره لها ألف عنوان
فرق قلوب الحسد والحسد ملعون
وأجعل عليها سور ما ينهد شتان
وأجمع قلوب الناس في قلب محنون
وأجعل جميع الناس ف الخير أخوان
أنا أحمدك أعطيتني خير مضنون
أخو وعزيز وله ف قلبي ألف شان
طبعه وفاء يمتاز باالطيب والصون
زين الخصايل فيه من نسل شجعان
أبذكر أفظاله وخوفي المحبر يخون
ما تنحصي في خاطري وقدرها زان
بروحه في كفه وكفة الناس مليون
بس كفته ترجح تهز كل ميزان
لأنه فريد و داخله كنز مخزون
الكنز قلبه يحتوي صدق وجدان
لا ضاق بك وقتك وغدى القلب ممحون
كلمه من لسانه لها ألف برهان
ربي يدومه لي فدى كل العيون
ولا أشوف فيه مكروه في مر الازمان
هو تاج راسي وعزوتي وخير مضنون
أسمه نقش في خافقي ألف عنوان