رسالة حب

[تركي الحبسي]

تكثر الرسائل .. هنا وهناك

ولكن هذي الرساله مختلفه وبطريقه مختلفه ولشخص مختلف..


رسالة حب



بســـم الله الرحمن ربـــــي ومـــولاك === اللـــي مشيــد لك ف قلبي ممــالك

أستوطنــي وأستعمــري كــل لمــلاك === جــري جيـوشك وأفعلــي مابــدالك

ســــلام من قلــبٍ يحبــك ويهـــــواك === جيتـك صريح وخايـــفٍ مـن دلالك

شــــــاعر تهــور ثــم قـــرب ونــاداك === القلـــب حلفنـــي وقــرر كــــــذالك

غصـبٍ عليَـــــه أعترفـــلك بمــــأواك === جنــــه ف صـدري تنخلـق كلها لك

ظـــرفٍ حملتــه لك وضعتــه بيمنــاك === الصبــر فارقنــي بعــزمـه مشــالك

هــذي رساله حبــرها نبض يـرعـــاك === بــالحـــب أكتبها وفكــري صفــالك

محبوبتي واضح عـلى الطيب مربــاك === وكــل العلــوم الطيبــه مــن فعـــالك

والشاعر الموهـوب يعــرف مزايـــاك === والقلــب والعينيــن يحكـــوا بـــذالك

يــا نبــض قلبـي شاعـرك مــا تعــداك === كــل القصــايــد قالـها فــي جمـــالك

حسنــك فــريد وكــم تمنيــت لقيـــاك === صاحبــت أخوانك وعمــك وخــــالك

كلـــي لعينــك جيـــت فــدوة سجاياك === قصدي شريف وغايتي في وصــالك

الطيب والأحســاس مسكــن خلايــاك=== شفتك وشعــري نابـــعٍ مـــن خيـالك

أكتب لفكـــرك غايتــي كيـف أقـــراك === وفهم معانــي خاطـرك حيـن جـالك

يا ظاهـرة هالكـــون لخبــط الأفــلاك === صارت تداور معــك تتبــع مجــالك

يضوي القمر لاشـاف طلت محيــاك === وده ينافــس نــــور وجهــك لحــالك

يخســف قمرنا كــل ما شاف عينــاك === أثــره يقلــد كحلتـــك طـــاب فـــالك

جملــه جميلـــه قالها عــن مزايـــاك === صــــرح بغيــره .. قلــبيها ف بـــالك

أفـرح لشبه بـــي وقالــــوا فدينــــاك === وجــــهٍ ينير الكـــون لا مـن بـــدالك

وابكي لا قالـــوا يـالقمـر لا تعــداك === لأنــه يمــد النــــور لحظـــــة زوالك

وانا أقــول أن الأحاسيس تنخـــاك === شفت الحواس الخمس كلها حــــلالك

أقري الرسالـــه.... تبعيها بيمنــاك === كلمـــه بكلمـــه وأستعينــي شمــالك

خايف تضيع أحروف شاعر تمناك === شاعر يصيغ الحرف بالحب جالك

أقري الرساله وأحفظي في حشايــاك === أســــرار رجـــلاً بالمحبـه شكـالك

وأن كنت رافض سيب ذولا وذولاك === وأهلي وأخوانك وعمــك وخــالك

خل عاشقك ما بينهم دوم شــرواك === محبوب ف العيله وصل من خلالك

عجَــل بــردك لأتأخـــــر بلقيــــاك === معطيــك أسمـي لا ورقمـي كــذالك


الشاعر / تركي الحبسي


طبعا القصيده من الأرشيف..
وسبق ان نشرت في الجرائد اليوميه قبل سنه تقريبا