((....راحـــــــــل,,,,,)

[مازن المعمري]

************


راحل أدور عن نصيبي وأخليك

ترقد على فراش المذله فبيتك

قاسي ولاني في عتابك أجاريك

تلصق بيه الزله ولاني خطيتك

هجرك طعن قلبٍ تربى يداريك

وغارت سهامك فالحنايا ودعيتك

شبيت نارك في ضلوعي لجافيك

وتقول مني الغدر وأنا وفيتك

حطمت أحلامٍ بها يجول طاريك

ولوثت نهري لي نقاته عطيتك

أدمنت حبك هاكني ميتٍ فيك

شوف العروق اللي بهواها هويتك

وأفحص وسرفس في حكي قلب مغليك

تلقاك قلبي وفي محله خذيتك

ودور لك أعذارٍ عن مزين تنجيك

تلقاني اول من فعذره خذيتك

لن الأصيل يبيع نفسه ويشريك

وأنا عيوني تسود لو ما صحيتك

وأنت المحبة نور طايح فعينيك

جاهل جماله لي كسبته ورعيتك

قدري أتركك رغم شوقي حواليك

وذنبي عشقت احساس عقبه بكيتك

هب الحنين وجيت بينه أوصيك

حاذر تجامل من حياته ف ايدك

لن المجامل عن صفاء الحق يعشيك

وصون التواضع لي بنقصه شكيتك

راحل فسرب الحب أطوي لياليك

وانسى يا شط الحزن بني رسيتك

لني خدعت وفاض حرفي يشاكيك

ليش الخيانة منك وأنا فديتك

ليش الجفى ما نش الا لمغليك

وليش الجروح تبور وأنا نسيتك

بس المصيبة صار حبك محاميك

وشري وخيري عنك انا كفيتك

يالله عسى الأيام تجهل معانيك

وتنسى مع الاحباب بني لفيتك

بر و نسيم وعود لحنٍ يسليك

أطيب من عذوبة غرامٍ تميتك

شعري وذوقي والعواطف تحيّيك

لني أصيل و كود طبعي هديتك
وعساكم سالمين..