مشاركه اولى ارجوا منها استفزاز ذائقتكم اساتذتي ..............وانا مجرد مبتديء

[احمد المخيني]

ياجعل عيني يالحور دوم تاذيك
مادامك بصدر العنا دوم خفاق
تسرح على هذي وتسرح على ذيك
وتفز دامنه الحور فيه طراق
طاول على شين التباهي معاليك
وطول معاليها طواويل لخلاق
لوفيك من قبلك تحليت تاليك
قبلك براد الروح ما فيه حراق
لبيك يا مال الشقى قلت لبيك
لاعبرت عينك ولا كنت تواق!
يوردك من بعضي بلاوي تغليك
منصاب ماشبر من الباب لو ضاق
راضي ومتسبب بالاسباب راعيك
لانت بها الصمان ياكيف خفاق
ماعدت اصور ياغرامي وسويك
في عيني اللي زينت كل الافاق
صارت ولا تفهم معاني تجليك
والحين مايفرق لها قول فراق
يامسعده يوم ن تجيني ولاجيك
ورويلك العجز المقفى بحراق
بتقول هانت منك أسلي واسليك
واقول فيني نايم الهم مافاق
فالي توارى من غرورك ومن فيك
والكيف من هيلك تهوجس ولا راق
يستاحش الخاطر مع الربع يطريك
ذا كن في ديمه يلوعه براق
يتذكر ايامه ليا جاه طاريك
مابين متعزز وما بين مشتاق
تغلب على الاول بسمحه ويبكيك
وابكيت قلبن طوعه شوره العاق
ياخي تهندم بالتواضع وانا اشريك
واسوقها والقلب يامير سواق
ان كان من عزه او ان كان من شيك
والله مايفرق مدام الهوى تاق
واسمع وذا اخر كلامي......تعاطيك؟
اول بداية عمري المنتهي الباق
واسهل طريقه للتأقلم بواديك
واصعب ثمار القلب...ماقلت دراق؟
هذا بقافي معلن ن به تحديك
يا ماخذ ن قلبك.....او ان ماخذ طراق





اخوكم/ طرماح.........