روابط مفيدة :
استرجاع كلمة المرور|
طلب كود تفعيل العضوية | تفعيل العضوية |
.::||[ آخر المشاركات ]||::. |
|
التسجيل | التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
|
أدوات الموضوع | انواع عرض الموضوع |
#1
|
|||
|
|||
قصة الموت
واحنا صغار...
كنت بخاف من سيرة الموت... ريحة الموت.. لما يموت حد من العيلة.. او م الجيرة .. كنت بقول .. لحظات وهموت.. كنت بقول الموت دا سحابة ... لما بتنزل... لازم كل الناس دى ... تتبل.. كنت بحس كأنه واقفلى .. خلف التل... لما هنام راح يجينى .. ياكلنى.. وافضل طول اليوم عيان .. وافضل غارق وسط صحابى ....فى التوهان... ***** كان الموت ف عنيا ... جبان.. ما بيدخلش بيوت العالم .. غير هربان.. بيخاف ييجى لاى غريب... لكن عيلتى.. حد قريب.. كان بيجيله ف وسط الضلمة.. يخطفه منّا بدون ترتيب... يفرح فينا كوحش بيسعد ..بالتعذيب.. ***** كنت صغير... لو مات حد أخاف من بيته... أقرف أكل عند اصحابه.. حتى الميه.. حتى الشجر الاخضر طالع وسط مقابر... حتى التوتة... وحتى النخلة.. اغلى صحابى.. لو يوم طرحت جنب ال(الطربة).. كنت أخاف أكل من خيرها... كل عيال الحتة تاكلها ... بس لوحدى ... كنت بخاف لو أقرّب منها... كنت بشوف فى ثمارها الموت.. كنت بقول لو كلت .. هموت.. كان الموت ف عنيا .. دا غول.. له جبروت.. ***** واما كبرت... صبح الموت دا ...بقية عيلتى.... صاحب ابويا وامى وخالتى.. خد من بيتى تلات أولاد... حتى ف نفسى ... كان بيزورنى.. ضيع منى كتير من عمرى... ***** واما الشعر الابيض زاد.. شفت الموت دا أساس لحياتنا... بيه مبنية ... حتى بيوتنا... شفته ف بلدى... شفته ف شعبى .. شفته ف دينى واملى وحلمى.. شفته ف كل مكان .. ومعاد.. ايها شئ ف الدنيا مصيره .. هو الموت.. مهما ان كان ف الدنيا .. طاغوت.. ***** شفت البلد الشامخ ...بلدى.. شفت الشعب الجامح... شعبي... جه فى الاخر .. عجّز .. مات.. شفت بلاد وبلاد بتموت.. احلى ممات..... شفت شعوب الموت فوق راسها ... بين خطاويها... شايلة الموت على ايدها يوماتى من غير حد يحس بموتها.... أو يحميها... ***** شفت الموت للدين فى قلوبنا شفته بيحرق نار ضمايرنا.. وبيكويها.. صبح الموت حدوته جميلة .. وبنحكيها.. رحلة جميلة ف عز الضلمة .. وبنقضيها... صبح الموت دا ... شهية أكل.. لو فات يوم من غير مانموت... بقى يوم ..كحل... صبح الموت من كتر وفاءنا... لو بدمانا .. راح نفديه.. أصل دا زمن الفجر بعينه.. صبح الموت أجمل ما فيه.. جمال نصير يوليو 2014 |
#2
|
||||
|
||||
الاخ الكريم جمال نصير
قرأنا الجمال دام عزفك شكرا ً تقديري
__________________
ان بعض الظن اثم #خليج_اليمن || كلمات أنور السيفي ، أداء نواف الفريدي تويتر anweralsaifi535@ انستقرام anweralsaifi@ #النود_للفنون_والزفات http://www.alsultanah.com/vb/showthread.php?t=21344 |
#3
|
||||
|
||||
أهلا بك أخي العزيز وبهكذا نص
ذو سلاسة وموسيقى تجعلنا نتلذذ به وبلهجة نحبها جداا حفظك الله |
#4
|
||||
|
||||
اخي العزيز والقدير جمال نصير نص جميل جدا ورائع تسلم على هذه الكلمات الرائعه ودمت بكل خير وموده اخي الكريم وتقبل تحياتي
__________________
|
#5
|
||||
|
||||
واما الشعر الابيض زاد..
شفت الموت دا أساس لحياتنا... نص من الشعر الشعبي المصري الجميل رائعة تلك الشامخه دمت بخير |
#6
|
||||
|
||||
جمال من ام الدنيا ....
الموت حق وكل يوم ياخذ احد لامهرب منه كلماتك هادية ولها موسيقى جميلة ممزوجة بحس مرهف احترامي لك
__________________
"الله لا يُخبرنا بمن يَدعون لَنا سرّاً ويُحاولون حِراسَتنا بالخَفاء؛ لكنَّه يُنير بَصيرَتنا على مَحبّتِهم، فَنتبعُ أرواحِهم دُون إدرَاك منَّا لِماذا نَخصُّهم بِهذا التعلق الروحي" |
#7
|
|||
|
|||
أنور السيفي.. الجمال فيكم وبكم ومنكم .. شكرا لمرورك العطر
|
#8
|
|||
|
|||
مُعاذ السليمي. أهلا بك وبمرورك الطيب .. شكرا لشاعريتك التى اسعدنتنى بهطولك هنا
|
#9
|
|||
|
|||
الحبيب .عبدالله الراسبي.. الاروع قلوبكم البيضاء ونبلكم الذى أسرنى بحبكم
|
#10
|
|||
|
|||
يقظــان الشهيمي; شرف لى تشريفكم فهو شهادة اعتز بها
|
أدوات الموضوع | |
انواع عرض الموضوع | |
|
|