قصيدة مدح

[حميد محمد السالمي]

يا هاجسي م الشعر هات المثامين
أبيات تطرب يالي الهم صابه

ما قد كتب لي مثلها بالدواوين
ولا خطها الراوي بصفحة كتابه

حتى أبو الطيب بمدح السلاطين
ما جابها في مدح أغلى صحابه

تشبه مدح حسان في خير النبيين
أسغفر الله والقصد يندرا به

لانها في مدح نسل الكريمين
ألي لهم بالعز صيط ومهابه

ألي لهم مجدٍ تعلا من أسنين
يشبه جبال الالب وأعلى هضابه

نسل الكواسب والرجال الوفيين
أهل الكرم والطيب أهل الرحابه

أفعالهم بانت بوسط الميادين
رحب بها التاريخ وأفتح بوابه

سلامي ليوسف بنفح الرياحين
يالي بمدحه ما توفي كتابه

معلمٍ يحوي بفكره الملايين
يعرف جواب ألي تعسر جوابه

يالله يالي يسجدوله المصلين
يا واحدٍ نرجو رضاه وثوابه

تجعل بداره وابلٍ مزنه تبين
تروي الفلا وتسيل منها شعابه

حميد بن محمد السالمي