ياقصيدي لايعذرب بك صغير

[رامي العتيبي]

من الجديد
ل التواصل مع قلوبكم
علها تنال اعجابكم



ياقصـيـدي لايـعـذرب بــك صغـيـر
وانت في عيني تساوي لك قبايل

خابر انـك شيـخ ب افعالـك مخيـر
تفعل افعال الشيوخ اهل الفعايـل

لــو يــدور الـوقـت والدنـيـا تـغـيـر
ماكـسـبـت الا الـمــوده والـجـمـايـل

وانـت يالمحتـار ف ابياتـي تحـيـر
المصـايـب جالـهـا جـنـب الهـوايـل

لـيـت مــن مــد السميـنـه ماتخـيـر
ماتنقى غير ل اصحاب الفضايـل

الشعـر ماهـو ب فـي نـور ونـويـر
الشعر ياهل الشعـر عـرف ودلايـل

كـل خطـوه يــوم يمشيـهـا مسـيـر
يحسب احساب المعانـي والمثايـل

والصدور اللـي مـن الموقـف تذيـر
علـمـوهـا لاقــــرت كــــل الـرسـايــل

تعـرف ان الشـور مـن يـم الشويـر
مايزعزعـنـي ولاطـحــت امتـمـايـل

شاعر(ن) وافكار شعري وجـه نيـر
ولا كسـبـت الا الـمـوده والجـمـايـل