عنق الزجاجة

[أنور السيفي]

السلام عليكم ورحمة الله وبركاتة

حضور من بعد غياب ومنكم العذر

للجميع الشكر على التواصل الراقي


.
.
تدرين بالشيلة تمايل صفا النيل
تكفين لايحوش الهوا طرف شيلة

شفت الهنا وافر بضمة فناجيل
والبن الأشقر دار فالجمع هيلة

مخنوق متنومس بلمة رجاجيل
لكن طموح النفس زايد عويلة

قمطّني الإحساس في نهمة الليل
راكب مع الفرسان مفنود خيلة

تجمح بي الذكرى وتنبش محاصيل
في فكر من حالت عليه الوسيلة

سلسالها البارد نسى نشوة الجيل
في كف متعريّ خلا من نخيلة

ينتابني صيد القطا في قفر سيل
وآمد أطرافي وأوحد قبيلة

متساوية أطراف في حصنها ميل
وأحيّي أقطاب ٍ رقو للأصيلة

وأخبرّ الأكرام في واسع الغيل
يْبشرو شيخ التميمة وخليلة

إن الفرح باقي يزور الحلاحيل
ويردد الآمال في كل شيلة

ياعامرة عنق الزجاجة شكى حيل
ميلاد بستان ٍ على الرجل حيلة

يْقدم الصوّام عن سقوة الجِيل
ويأخر لْشبعان وقّر مثيلة

لاتنشدو الولهان عن ضارم الويل
باقي الطموح المرتوي سلسبيلة

.
.

للإستماع رابط القصيدة على الرابط

https://youtu.be/suIytRn-AmA