مجبور الوداع ( أول مشاركة معاكم)

[الربخي]

مجبور الوداع

كلمتها وقالت هلا بمنور الشموع
قـلـت وغـلا شـلونـك يـا الغـالي

قالت الروح بوجودك ما تزوع
قلت تسلملي يا صادق المعاني

مسكينه ما تدري بكثر الدروع
اللي تمنعنا من وصال العوافي

ومسكينه ما تدري بإتصالي المفجوع
ولا تـدري بـقـولها السؤال الـنهـائـي

لوين بنوصل مع حبنا المرفوع؟؟
من الكذب والخداع وضم المخافي

قالت لين الموت و نزلت الدموع
من عينها كأنها بحر فجر المباني

دموعها بحر والمباني هي الخدود
وعينها منبع فيض كل المجاري

بس البكي كان ردها المفجوع
بعد كلمة بنفترق وبنخفي الأماني

بس البكي قطع قلبي الموجوع
تبكي وتبكي وأنا رفضت البعادي

حاولت أوقف بكاها والدموع
وحاولت أجبرها وكأني ما مبالي

حسافه ليتنا نقدر نزيح كل الدروع
ونعيش أحلى إثنين مع حب خيالي

حسافه ويا ما قلنا حسافه وين الرجوع ؟؟
دنيا وجبرتنا نعيش ما بين الشقاوي

ليش يا دنيا كل ما قربته تقول ممنوع ؟؟
وليش اللي أخلص حبه ماله مرامي ؟؟

ليش اللي وفى قالوا عنه مخدوع ؟؟
وليش اللي أحبه قالوا ماله دواعي ؟؟

إذا كان الحب عيب وشي مردوع
سـجـل هـنـا وإسـمعـني لك أنادي

أنا من عرف عيبه وحبه الموجوع
وأنا مـن لحـكي الـناس مـا مبـالي

بنـت حـباهـا الله بـوجـه سـطـوع
وافيه لا جيت للوفى وترك الخداعي

حبيت كرامتها والمدح لأجلها مشروع
وأبـشري يا دنـيا مانـي للناس بمهادي

بسـلـك طـريـقي مـع مسلـك الروح
وبترك طريق الحكي والكلام المعادي