أريدك أتحبني

[خليفة الهاشمي]

عذرا على الانقطاع الطويل ولكم هذه القصيدة المتواضعة عسى أن تنال اعجابكم

أريدك أتحبني
أريدك أتحبني و تكون وافـــي الود
و لا تنحى عن غرامـــــي و ودي
ما أبيك تضحك لي وتحمر لي الخد
لو كنت أبي الحمرة أنا أحمرت خدي
أبيك تعشقني علــــــى سلكة الـــوعد
مــا أبيك تقهرني وتخلف لي وعدي
عاشرت أنا أجناس من سادة المجد
لكنهم خـــــــانوا و باعوا لي مجدي
من وقتها قلبي كره كلمة البعد
و لا أبغض اللي يعشق ف يوم بعدي
الحب مو لعبة على الجذر والعد
ولا هو جريمة قتل ولا هو تعدي
الحب عالم يشمل الصدق والسعد
الله يديم اللي عشق يوم سعدي
تفداه عيني دوم و له صادق الوجد
و له صادق شعوري و تعابير وجدي
و اذا تحبني و جيتني وافي الود
الله يوفق بين ودك و ودي