مــــــــــــــــوطن العــــــــــــزة

[سعيد الحبسي]

موطن العزه

مــن جبين الفخــر اقــدح اسمك الغالي عمـــان
اشعـــل الظلمــة قصيــدة لجــل اغنيلك شعــور

مـــوطن العــزه تجلــى نــور يبــزغ فالمكـــان
شمــس تبنـــي فــي فضاهــــا آيـة الأيــام نــور

موطــن التاريــخ فيهــا يكتــب العالــم بيــــــان
درة الأوطــــان صــارت منتهـــى العليا دهــــور

يا بــلاد الــروح انتـي جيــت لجلـك والكيـــــان
قطّـــر الإحســاس فيني شهــد وأشعاري تثــور

مــا تعـــدت اربعيــن والـف سجلهــا الــزمـــان
كـــم عظيمة مـن مسيــرة مـا توفيهــا سطــــور

كـــل شبرٍ مـن تـــرابك يعتبـر شاهـــد عيـــــان
كـــل شبرٍ مــن تــرابك سجّـل لنفســه حضـور

من بياض الصبح مسقط وانتي يـا ارض اللبان
تحفة الأمجاد نــزوى ودانـــة المحّـــار صــــور

يا صحار العز مجـدك يعجز ف وصفه اللســان
كـــل ساعـــة فيــك عبـــري ينبنى دورٍ ف دور

والبريمي موطــن العـــزة لهـا مـــرفوع شـــان
عبــق تاريـخ الحضارة فــي مسنــدم لـه جــذور

ديرة الوسطــى لهـــا بالقــلــب تقدير ومكـــــان
ومنجزات الخير عمـّـت ف الصحـــاري والبرور

تستحقـــي يا عـــرين المجــد تيجــان الأمـــــان
تستحقــــين القصايـــد بـــــدر دايــم بالظهـــــور

فـــي مطلــع السبعين نــورك لاح للعالـم وبـــان
يـوم اعلـن فـــي خطابــه / تبدلت كــل الأمـــور

كـــل صعــبٍ بـالإرادة ارتخــــــى عـــــوده ولان
مـــا ثنــى العليـا فضـاهــا عـزم تحليق الصقــور

بـــيــن كفيــنــه تبـــادت كنهــــا درة جنـــــــــان
شــوفهــا يـــا كيــف صارت مــا بها ادنى قصور

سيــــدي قابـــوس قـدت المجـد وزمـــام العنـــان
منجــــــزاتك سيــدي تلعــب بأرض الخيـــــر دور

يالمحنــك يـــا سلــيـــل المجـــد زان الحـــــظ زان
للغبــــيرا واكتستــها حــلــــة الفخــــــر بزهــــور

حقــــق الأمـــن وحمـــى داره على حـــد السنـــان
كــــل بقــعــة للتــواصل مـــــد باليمنــى جســـــور

والمواطــــن بالعـــدالــه حقــــه بنعمــه مصــــــان
ويتبـاهــــى بإنتمائـــــه ودايـــم لــــداره غيـــــــور

يـــا عســى دايــم لك الأفــــراح يا قايـــــد عمــــان
وانــت تهنـى بالسعــادة / ملبسـك خيـــر وســـرور

سعيد بن حارب بن حمود الحبسي