مساجلة مع ود صديق (الزرحه)

[خليفة الصائغ]

مساجله مع الاخ الشاعر محمد المخيني (ود صديق )





خليفه الفارسي

بمغط يميني للتحية والصفاح
زايد تحية تبد جمع المسلمين
بالهجن نقطعها الفدافد والبطاح
بمشيئته ربي ورب العــالمين




محمد ود صديق

يامرحبا بزاير لفى قبل الصبـــــــاح
قائد ذلوله و ماغط ايدينه اليمــــــين
لابس من الطيبه على صدره وشاح
صاحب كرامه واسمعو يالحاضرين





خليفه الفارسي

فاحت ورود و ماستوى عندي مزاح
أهل الجفا شلو علينـــــــــا قاطفين
والترح عمر فـ قلبي وستبــــــــاح
دام الرفث زارع قلــوب الفاسدين




محمد ود صديق :

لا تلتفت للكلب ان ابدي النبــــــــاح
ولا تصدق الكاذب ولو يحلف يمين
كم مسلمن اصبح ودمه في سفــــاح
وكم آمنن امسى من المتخـــــــوفين




خليفه الفارسي :

انزاح همي وزاد عندي الانشراح
من شفكم دايم معاي مجـــــــاوبين
لي مثلكم يشفى همومي والجــراح
واكون دايم من عداد الرابحــــــين



محمد صديق :


قلبي أني دايم ترى عنــــــده سماح
من فضل ربي كلنا متعــــــــــاونين
يالفارسي هذه الدنا كلهـــــــــا كفاح
يابخت من صلى وهو مـ الصايمين




خليفة الفارسي


خلك كذا دايم على درب الصحاح
وتكون دايم من خيـــــار العابدين
محمد وخالد واللبن عندك صـلاح
دايم شعاراً يعرفـــــــــوه الخيرين



محمد ود صديق:

الدين والتقوى يبخته من ســــلاح
نضرب به الفاسد وكل المجرمين
واللي قبض بالله فالعالي مطـــاح
والخاسر اللي يسمع ابليس اللعين



خليفة الفارسي

يا حظ من نادى وصلى بالفلاح
يجزيه ربي هو إلاه الســــاجدين
بختم كلامي يامحمد بالصــلاح
زايد تحيه تخلـــي العاصي يلين



محمد ود صديق:

اقبل صباح خفت جـــراح ماشي نواح
لن قلتلك بو مبارك حـــــــن متوادعين
دمعي وساح صدري وباح كلشي متاح
يحفطك ربي في المشـــــــــام الله يعين






دمتم بود