ســــم العـــقـــارب

[سعيد الحجري]

السلام عليكم ورحمة الله وبركاته


نص سبق ونشرته في بعض المنتديات
واحببت ان يكون في سلطنتكم ايها الانقياء




روّح شــرى قشه معـــا مخلــب الريــــــح
وأنـا رصيــــدي امْــن الحيـــاه التجــــارب

ولاشــفى جرحٍ يــــداوى ب تجــريــــــــح...
ولاهــي مراسيــل المــراجـل شـــــــوارب

اي يـازمــن غط الخطى وخـــوفي آبيـــح
ويـروح مــن بــوحي شــراذم طحالــــــب

هيه يابحــر وشجاه ملحلك مــا بيسيـــح ؟
وأنـت الكبيـر اللي مـ هــــدك مطالـــــب !

ودي آداوي لــي بملحـــــك مــطــاريــــح
وأجــازي السيّـــه بحسنــــــة معـــاتــــب

شبيـــت فــي عقــلي كثيــــرٍ مصــابيـــح
واطفيــت فــي قلبــي شمــوع المطالـــب

من دمعـــتٍ ماهــي تعيــب التمــاسيـــح...
نزلــت تغْســل غبــار عيــن المــحـــارب

جاب الخســاره مـن حسبــته بمــرابيــح
واثْر الفوايــد مــن حسبتـــه ب كـــــاذب!

وأبشْــرك واقــف وأنا حــالــي صحيـــح
ســــم العقــارب مــا يغــــث العـقـــــارب

ولا وقـــف الســاري كـــلابٍ منابيــــــح
ولا تامْــن الصيــده عكــاف المخـــالــب

ولا رّوع البــطحـــاء سيــولٍ منــاطـــيح
لــو كــان تلطــم في زبــدها وتـجـــــاذب

جّهــم شـرى ذيـبٍ يفــض المســـــاريح
فـــض المـلا لا نهـار سـدك يـا مــــارب

وســعى المــرار الحنــظله لوٍ بســــيح
لا صــار فـي مــرك معــّزه لشـــــــارب

ما خفــت م الطيــحه كثر بعـد ما اطيح
تهذربــي الحرشى بعــد كنـــت غـــارب

مثلي يصّنــف من سمـــوم الذرانــــيح
يسقــم به كبــود المعــادي وغالـــــــب

ولانــي بســاعي الفعل ينجــب تمــّديْح
ولانــي بطالــب مــن كبــار المراتــــب

لو كــان حــزني فـي عروقي تشـريّـح
بنحــت على وجهـي ابتســامة مخاطب

وعنــد العرب بــذات صبــرٍ ولا بيــــح
تبقى الحصــون حصـون لونّ تحاسـب

لو بــات يطرق ف الجلايت صدرريــح
ريحٍ يكش الهــول عنــها وتـــــــغـارب

وانا ما أرد الــراس لاجـل المناطــيـح
ناسٍ لهـم فـي قـص دربــي مــــــــأرب

هزيــت راسـي... وقمّـت أكمّل تسبـّيح
وأدعي بـوادي عقـول يسـقي طحـالـب