الـشــمــس

[سعيد الحجري]

السلام عليكم ورحمة الله وبركاته




ابسئـالك عن مطلع الشمس ما احيـد
...................مـن بيتكـم ولا مـن الشــرق ياشمــــس؟!

وبسئـالك عن قلـب ما عاد لــ سعيــد
...................قد طـاح قدامـك مسى ليـــلة الامـــــس

شيليـه لا هنتـي عسى عمـرك مْديد
...................ضميـه في عينك عـن الجــــان والانس

لك خصْ دون الغير يا شيخة الغيــد
.................وقول قلبي ويــن ؟ وتقـــول ف النعـــس..

وقــول هذًا الليْ ترى نفـسي اتــريد
...............ورتّد عــن غيرك وذا مطلــب النــفــــس

لــك ذنـب طعمه غيـر لوقــل بَــــزيد
................منّـه وعَده مغفـره فـي هـدب خــــــرس

واستغفــر الله يــوم واثنيـن واعيــد
................واعــود لك والله يسّـلم مـــن الحبــــس

شايف عيـون ابـوك في ليـلة العيــد
.................تخـزنّــي كنّـه بـدا بوضعنـــا ايحـــــس

عن قلــت لي طمـاع... طماع لا اجْديد
..............مـاهـو بذنبـي ذنبـك انتي مــن الدبـــــس

غسلتـي عيـوني عـن الزرّف الجيـــد
..............كل البشر انتي ف عــيني ولــي همـــس

بهمســلـك اَبْذَنــك ولشْــوق تنهيـــد
..............ياليــت رْجـل الوقـت ملفـوفه ابجبـــــس

مكســوره مــا تمــشي وحنّــا مجــاليد
............يا ضيعــة المذنــب بقا الحـب بالغـــــرس

يالله بنــا نغــرس بـــذر حبنــا السيـــد
.............نسقيـــه بوصـــالــن وذى بعـــــدنا درس

درســـن لكــل قلبــن يبى حبــه يــزيد...
.............يقفــر عيــون خطـاي في نابن وضـــرس

سريتــها ســريـــت ســواع المطـــاريـــد
.............من وادي الـــوادي مـن الطعس لطعــس

شــــوفك عيـــاده وكـــل فينـــي ميــاهيد
.............تصدقــي بشـــفى من يْــدينـــك ابلمــــس

هذا العشـــق عيبـــه عيـــونه مســـــاهيد
.............ما نامــت الا الكــون به صبغــة الورس

وقبــــلْ اعْرفـــك انتــي بيــوتي مشـــاريد
..............تقتــات مــ فتــات الخيــال وبـــلا لبــس

واليـــوم حصـــري(ن) بقوسيــن تحــديـد
.............كـــل القصــايد روح حيـــه بــك وبــــس

واللـــي بــغى يـــزعل معــي كنـّــه العيــد...
............ما همنــي دامه رضــــى عنــي الشمـــس

الـغــيــث