في عيونك - قلب ناصر

[ناصر بن سالم الهاشمي]

يــــا الحبيبة فــي وداعك زفرة البعد أتوقد
مــا يطفي من لظاها غير نظرة من عيونك

والــدروب اللي بلقانا ساهــرة ليل التوجــد
شوفتك تطوي مـداهـا أسهدك وأقول عونك

يــا الأمانـي يـا المواني يا الحنان اللي تودد
لين أورد قحـويانـه مـن صفا قلبـك وسونـك

فــي عيونك قلب نــاصر أبحر الليـل وتوسد
وان غفا لاقاه طرفــك يـا غــلاة اللي زبونك

وأنا احبـك والله احبـك مـا يعوضنــي التجلد
كــل ليلـــة مـــا تمرك ظلمةٍ تبقـى بــدونـــك

راهبٍ فــي ديـــر حبــك كـــل مـا فيني تهجد
لــن تهجعت بطقوسـك أو تلبسنـــي شجونك

يـــا نقا صـــافـــي زمـــانــي العهد حب يخلد
ل أنهمر مـاطر سنيني أورق العمر بغصونك

الغـلا ملفــــاه عــــالــي والمشاريـــه أتورد
والنوى مطراش دربي حين تطربني لحونك

يــا رجــــاء حــلم التلاقي العنـا بوصلك تبدد
أرقبك وأهل شــوفك يـــوم وافتنـــي ضعونك

يــا هي ليلة م الليالـــي سعدي بشوفك تسهد
بين نظـرة ابتسامــة حضنك وعــاطر دخونك

تحياتي نااااصر