رثــــــــــــــــــــــــاء

[أبوراشد العيسائي]

رثاء للفقيد الغالي أبن أخي وشقيقي ( سليمان )
الذي وافته المنية يوم السبت 28 يناير 2012
أثر حادث سير بوادي الجزي هو وزوجته
ولم يكملا معاً سوى يوم واحد بعد زفافهم
رحمهم الله وأسكنهم فسيح جناته

يا حادي البين تكفى لا تمازحنا
الهم حطت رحاله في أراضينا
شوك الحسافة بلا ميعاد جرحنا
نتوسل الهم يوم الهم يلفينا
يا حادي البين لو مرة تصارحنا
لا تأخذ الزين عن تكثر مآسينا
مديت كفي ترجيتك تسامحنا
تكفى دخيلك يكفينا الذي فينا
ما عاد باقي يغير الدمع يفضحنا
والحزن ألف من دموعي دواوينا
فيلق همومك يحادي البين صبحنا
يرمي قذايف ألم ويرج خافينا
أدميت روحي ولا في يوم تفرحنا
شقيت قفل الصدور وصرت تدمينا
ما كان ظني تجي في يوم تربحنا
يا ليت مرة تسامحنا وتعفينا
لبستنا الحزن ما ودك تصالحنا
أخطيت في حقنا والظيم خاوينا
وش لك تعمدت بسليمان تذبحنا
خليت سعد الليالي نحس يكوينا
أستغفر الله بكينا غيابك ونحنا
أيلين عزم الهواجس خر يرثينا
قصيت حبل الأمل يا البين وأسمحنا
قهويتنا المر عقب فراق غالينا
جرعتنا الآه والعبره تصافحنا
نامت عزوم الذي عزمه يحاضينا
لا حول بالله عناء الأيام كافحنا
وما عاد لك يالشهم نظره بأراضينا
يا كم ضحكنا معك يا كم تمازحنا
واليوم كل العرب فيكم تعزينا
في جنة الخلد لك منزل يفرحنا
والحمد لله سجدنا له وصلينا
يا حادي البين تكذب لو تمازحنا
الويج ناخت رحاله في أراضينا

تحياتي
أبوراشد