اهداء الى الاخ العزيز سالم الوشاحي

[عبدالله الراسبي]

اسعد الله اوقاتكم اخواني الاعزاء اليكم هذه القصيده بفن التشحشح وهي مهداه للاخ العزيز سالم الوشاحي بمناسبة خروجه من المستشفى بالصحه والعافيه ونتمنى له دوام الصحه والعافيه باذن الله واتمنى منكم مشاركتي هذا الاهداء للاخ ابو سامي والسير على حسب القافيه ونتمنى من الكل المشاركه لنرى ابداعاتكم الطيبه


قال عبدالله الراسبي

هبّي ي نسْناس الرّياحي ******

الفين صحّه ومية عافيه ****** يستاهل النّشمي الوشاحي

ويستاهل انْزف له ورودي ***** راعي البشاشه والمزاحي

في غيبته الغالي ابو سامي ***** زادت طعوني والجراحي

واظلم علينا المنتدى اليوم ******* ويزينا في همّ وصياحي

وحلّت بنا حاله كسيفه *********** كل واحدن همّ بمراحي

م يفتح النّت بس ثواني ********* والقلب مطعون برماحي

والشاهد الله حن بدونك ******** بخساره نمشي عن رباحي

وتشهد علينا كل دمعه ********** ويشهد سليمان الرْواحي

لولا ضروفي وانشغالي ******** لا وصلت لك فارد جناحي

واشكرت ربي فوق عرشه ****** لي مسيّر ابْحور وبطاحي

ونطلب من الباري يشافيك **** وقت العتيم ندعي وصباحي

ابو سامي اسنادي وذخرتي ****** يا مبرقن في الجو لاحي

والخاتمه رد اللي غايب ********* يا عين بسّك م النواحي

وتقبلوا تحياتي