على أطراف الأمل

[خليل المعمري]

السلام عليكم ورحمة الله
بعد الغياب
اتمنا ان تكون اطلالتي جميله
بجمال قلوبكم

بعد ما مـــرّت الايام فـيـــني من بعـــد فرقاك
لقيت اني بعــد مرّت ف بعدك اجمــل سْنيني

نسيت اللي حصـــل كله ولكن ماقدرت انساك
على بالي ف كل لحظه يا غالي وانت ناسيني

احبك ايه احبك لوعجــزت وْما قدرت ألقاك
وعلى رغم الغياب وْلوعته اللي عثت فيني

حبيبي والحنين يكدّني واجــوع لك واظماك
ليا مني ذكــرتك دون ما اشْــعر دمّعـت عيني

تعال وسوق لي قلبك قبل ما تسوق ليّ اخطاك
ترى ما فيه احد يستاهلك مثلي لو تْجيني

وهنا بين الظلوع العوج ارتح لا قست دنياك
ومتى ماهبّت العوّى تدفّى في شرايني

عليك من الستر والحفظ ما ياصل حدود رضاك
وفى..لك وين ما وجّهت يالغالي يسرّيني

حبيبي كل ما هالليل عسعس والضحى محيّاك
تذكّر! ان لك وقت ٍ ورى هالليل ناسيني

حبيبي ما دريت اشكثر احبك لو دريت.. جفاك
ابد ما كان يلحقني لظى جمره ويكويني

على اطراف الامل واقف ألوّح لك ..ولا يخفاك
انا خايف مع الايام تتعب منّــك يديني