عناب

[سالم الريسي]

الأهداء
إلى صالح الحاتمى ومن صوت معه ،إلى من أتصل بي وحفزنى على أدراج هذا النص،إلى من كان السبب في كتابتة، لكم جميعا مرتادى هذه الصفحه.




شهرين وعيوني من الباب للباب
تقفر خطاوى جيتك يا ضنيني

واصيح يا ستار لطفك يَــ وهــاب
قلبي واخافه يروح قدام عيني

من كثر ما فيني من اشواق واعجاب
أخاف مره تستوى وتذبحيني

لكن فدوه إن مت في أرض لحباب
تشريف لى في موتتى تذكريني

تمشي وانا اجمع لك من الود ما طاب
وانتي تعزفي أوتارنا وتحتويني

خفه ورشاقه وعود بالله ينهاب
لو زدت كلمه تزعلى وما تجيني..

متحالفه ويا القمر صرتو أصحاب
وانا بدونك تحترق بي سنيني !!

الله عليهم لو يشوفون عناب
يصير فيهم مثل ما صار فيني

خل الخصر والنحر وعيون وأهداب
كنها مرايا تنعكس في جبيني

عيني عليها والوقت صار غلاب
عطيت واترجا دخيلك عطيني

ردى على لو صفحه بوسط لكتاب
قولي تبي وإلا بعد ما تبيني

وبشوف يمكن ينجبر فيك لغياب
يا علْ ترضى خاطري وتنصفيني!!

ابيك لحظه يالغلا حيل منصاب
سالم ينادي اْرجوكِ لا تعذلينــــي

ياهيه/يا نواف/وينك يَ حطاب
قصدي ينوف أرجوك لا تحرجيني

من يوم صوتك جر أهاته وغاب
وأنتي يروحي غير لو تشبهيني

أكتب وأطرز لك من حروفي ثياب
عشان لو جيت الطريق اعذريني

زل القدم والحبر مازال ينساب
عل وعسى باخبار منك تجيني

شهرين وعيوني من الباب للباب
تقفر خطاوى جيتك ياضنيني