عيسى /وشذى /وعقاب..........//

[أبو رآكان الكلباني]

السلام عليكم أساتذتي
ابيات لكسر حاجز الغيبه ليس الا

يابوشذى شبّـــت بها الجـوف نيـــران
من حر مابي ادعـــس الجمر سـاهـي

شاعـــر وربــك يعلم بســــر ولهـــان
قـد شحّ دمعـي مـن مـدافيــق مــــــاهِي

صارت عيونــي دلال والدمع فــنجان
كلــما أصــبّه ما روى الــــحزن فـــاهِي

قطّـعت من زود الولع فيـه جنــحـان
ماعـاد نــقــوى! وطــار يالــلي نبـــاهِي

لـوتنبـت امــواج البـحر زهــر وفنـــان
لــ شفت خـدي روض يــنـفـح شــذاهِي

كنّــي على كرسي الذي استعبد الجان
شفني اناجــي الطــيف لا من حكــــاهي

دُوْلَــة اماني وهيكــل فـ ليــل كنــعان
والصـبـح بختنـصر غــزاهــاْ وجــلاهِي

يالــلي بنيـتو فـ مقلـتي صرح هــامان
وش لــي أنــاظــر غــيــركــم يـاإلـهى!!؟

ماعــاد يغريني مـــن الخـلـق انســـان
صوره دفـنها الــــجفن واعلن عمـــاهِي

ياليت لي في عصبة الشـــعر إخــوان
حدّن أشـــاكــي وحدّ فيـــــهم أباهـــي

وش حيلتي لاخرّس الدمــع لـ جفــان
والشوق بــارك داخل الجوف واهــي

على الـــذي لاقلــتلــك ورع غـــزلان
تلّ الخــفــوق امّــنَا الـــمـعلّق لــواهِي

حكّمتــهُو في بـحر هــالقــلب ربــان
لكن عبر قلــبي وشرب مـــن دِمِــاهِي

اصـــد لايقبــل عن يشوف لــ عيان
والـــدمع يمــطـر من سحـايب هواهِي

وانحاش عـن دربه ليـــا مـر منشان
لا يـذكــره راعي الحــسـد فـــي قفاهِي

حتى شبح جوفي غدى فـ زول انسان
مثـل القــبر مـا تــدري بـ الـلـي وراهِي

لاتنخدع عنـــد اللـــقا بوجه ســفران
البدر يســـفر من حمـم في حشــــاهي

شيبّت ياعيسى ونا فـ عمــر ورعــان
والشيـــب ماعمــر الــمولّـع نـــهـاهِي

دايم صباحك مع شذى .حيل طربان
وانا مع دمــوعي على كوب شــاهي