"سمو الوطن"

[نوف البادية]

إلى وطني الغالي ..
لـ أرضي عُمان !

تسامى يا وطن دامك غديت السيف بيديــــنه
تسامى ياوطن وافخر مدامك للمجد عنوان

عمان اليوم لو قلتي الجميـل انك ترديـــنه
ألف عفوا ترى هذي كبيره بحق هالإنسان

لأنك ( طفلةٍ ) جيتي على الدنيا تنادينـــه
أخذ بيدك تزينتي عروس وزفتك بلــدان

وضمك في حشا روحه – ضواك النور من عيـــنه
قضيتي الليل باحضانه وحطك كحل بالأعيان

لأنـّه فارس احلامــك عشقـــتي أصلـه وزينــه
تمخطــرتي تبخترتي دلع زينه وحسن فتان

يا أغلى أرض بالدنيا غرس طينــك بكفينــه
ومن يبذر طهر أرضك أكيد انه حصد فرسان

على سنــة نبي الله غمـرنا بعـدلـه ودينـــه
حكم فينا بكتاب الله ومنهج شرعه القرآن

عمـان وفرض هو يمّــه لـ نادي لك تلبيـنــه
عمان وحق لك يمه لـ قالوا درة الأوطـان

أجل وشلون م افدي اللـي عطاك العمر وسنينه
على شـاني ولعيـونك تحدى ثورة الأزمـان

أجل وشلون م افدي اللي عطاك العمر وسنينه
شبابه فرحته ضحكه اشتراك بغـالي الأثمـان

عسـاك بخـير يا نهـر سقـت أرواحنــا يميـــنه
نعم تسلم يمين اللي رقى بشعب عظيم الشان

عسـاك بخـير يا ذخـر الزمـان وغـرة جبينــه
عساك بخير يا قوت اليتامى بساعة الحرمان

أحبه كثر ما احبــــك وادري هم تحبينــــه
وحبي له تراه اكبر من انه يدركه إنســان

هديه !! زين ابي أسأل – وش اللي بس تهدينه ؟
إذا كان الغلا كله قصـور ابحقه ونقصــان

قســم بالله يا أرضــي أبد مانـتي توفيــنه
لو ان براحة كفوفه سكبتي الروح والشريان

كريم لا عطى كفّـى – يلم الجــــود ويديــنه
حليـم لا عفا وفّى – يهين الحقد ما ينهــان

عزيـز ما انحنى راســه لكيــدٍ من عدويــنه
رفيع معتلي سلطان إبن سلطـان إبن سلطـان

جسورٍ ما يهاب الموت فدا شعبــه بسبعيــنه
غزير بالوفا بحـره وغيـثه بالعطـا هتـان

لو الهام الشعر يمطر قوافــل من دواويــنه
لـ عيّت سيدي قدرك تنـوله وتوصفـه قيفـان

تسامى يا وطــن لنك غديت السيــف بيدينه
تباهى يا وطن وافخر مدامك للمجـد عنـوان