فن ابو الزلف بيني وبين الشاعره جواهر السناني

[عبدالله الراسبي]

اسعد الله اوقاتكم بكل خير اليكم هذه المحاوره في فن ابو الزلف بيني وبين الشاعره القديره جواهر بنت يعقوب السناني والشاعره غنيه عن التعريف


قالت جواهر السناني

شل الخبر بوصاه *********

بلغه شبيل العود *********** يا يفهمه معناه

يوم ما يبا ودّي *********** مليون اني ماباه

ما تهمّني علومه ********* ولا يهم لي سواه

والطير اللي اختاره ******** بيعذّبه في دنياه

با يذكر احساني ********* ويودي الذي خلاّه

با تبكي عيونه ************** دم ودمع والله

والخاتمه خلّي ************* بيحاسبه مولاه


قال عبدالله الراسبي

طيف الغضي محلاه ******

بكّيت لي عيوني ******** شروا المزن بسماه

والآدمي دومه ************* يغنّي على ليلاه

لا تشتكي فرقاه ********** واللي نساك انساه

ولي باعكم بالرخص ******* بالغالي لا تنصاه

ومن غرّته الدنيا ********** يصبر على بلواه

واللي ابتلي بالود ********** يغفي على يمناه

با يعرفه قدرك ********** طول الزّمن واقصاه

والخاتمه صبرك *********** لا ترتجي رجواه


وتقبلوا تحياتي