تفاهات الشوارع

[سعيد المشرفي]

صباح الأشواق.
ذكرتني قصيدة الشاعر راشد بقصيدة قديمة لي فأخرجتها من الأرشيف وها هي بين أيديكم لتتشرف بمروركم.
تفاهات الشوارع.
ايضيق خلقي من تفاهات الشوارع
وآمل من مرأى الوجوه القاحلة
اللي إذا شبهتها مثل المزارع
تظمأ جديدك .. والموارد ماحله
ما هزني عود القصب لو كان فارع
والبحر الأسود ما جذبني ساحله
والصافنات من الخيول اللي قوارع
ميدان صدري يا ملأ ترتاح له
بس الأكيد إني شراب الصد جارع
ولا فيه مخلوق(ن) غرامي باح له
غير الحبيب اللي فوسط القلب زارع
حبه .. وسييق بالضلوع الناحله
ايشدني ودقات قلبي له تسارع
ومن دون خلق الله قصيدي وشاح له
ولا من حكى وصاغ الحرف بأسلوب بارع
كنه يقود القلب قود الراحله
حكمه لي الآهات والفرقا أصارع
والطيب ، والنوم الهني ، والراح له
وده أقضي العمر في رجواه ضارع
والحر يزحف لو تعثر كاحله
ليته فشرع الله من خوفه توارع
لا صارت الدنيا بكبرها راحله
وش يغني الماضي إذا حان المضارع
ما دام ودعني الخفوق وراح له.
وعذرآ على الغياب.