سكنتك ياوطن عمري

[سالم بن حمدان الحجري]

ألا ياوجهـــة الترحال ويجــبرني الوله أشــــواق
وتأســـرني الضــنون شجون أترقب يوم ميعاده

ورغم البعد يوصــلني وهــجرك مول ما ينـطاق
حســـافة تمضــي الأيام مــع الآمـــال مــــنعاده

على راحة كفوف البعد ســـكنت بلوعة الأعماق
كـــؤوس الصـــبر أتجرع وشــــعري مل ترداده

صــبابة هالوله مغرم وحــبك في الحشى حراق
مــع المــيلاد أعـــطاني صـــفات الجـــود وقاده

كــتبت أحروف ترحالي طفــل يتنفــــس الآفاق
على قرب البعد ســاري ونجم سهيل مرشـــاده

كتــبت بدفـتري مرة أنا الهــائم أنا المــــــشتاق
ومر معلـــمي يصحح وصــايا الجــد لأحفــــاده

وعاتـبني مع التحـقير شــعرت بلـوعة الإخفاق
لأنه ما عرف قصــدي وســرت بســيف جــلاده

سألني كيف لك بالحب؟ صغير(ن) تجهل الأخلاق
لمــاذا؟ كيف؟ شــو قصـدك؟ أنته مو على العاده


أجبته بنبرة المــختال شــعور المحتسـي الترياق
شــعوري زاد من شــعري وشــعري حان إنشاده

ســكنتك ياوطن عمــري وعمــري ينتخي شفاق
أنتــه أول أحــــروفي في قاموســـــي وتعــــداده

عمــان الطــيب والأفراح ألا يا وجهة الإشــراق
وتاريــخ الســـنين اللــــي ذكــــرها مــجد رواده

إذا نســنس هواك بطــيب زوايا هاالمكان أعباق
سلبتي الروح (م) الأعماق شعور الساكن أبلاده

أتمتم شي وعندي شي كلام(ن) تحفظه الأوراق
كتبــته من متــى؟ مدري أكيد بدفتري أشـــهاده

أنتي ملـــهمة روحـي وشــــــريان القلـــب دفاق
بلاد(ن) تســتمي بقابـوس أكيد العــز شـــــهادة

صــفات الجود له تشــــهد ودائم للــعدل سـباق
عمــان أبحكمتـــه جنــة لها الآمـــال منـــــقاده

ألا يامـــوطن الأجـــداد ألا يا المـــارد العمـــلاق
عســـاها دائمة الأعــياد وجمع الناس عـــواده


تحياتي ......... شاعر الشمال