حـــظي المـفـقــــــــــــود

[مانع الوشاحي]

الأ ياحــظي المقفي الأ ياحـــظي المـفـقـــــــــــود
أمني نفــــسي بتقبل تــبدل حـــالي بـثانــــــــــــي

اخطي للأمل خطوه وتفتح بابــي المســـــــــــدود
وانسى بـ لفرح ماضي تعايشته مـع احـــــــزاني

فقيرالحظ لو يشــكي ترا ما ينحسب مـنقـــــــــود
عليك مــعاتب الـــعربان لا زليت يـــالســــــــاني

انا لي فـ الشقى قصه وادري بـعالمي موجـــــود
جهلـــني نصـي الاخــر حـظـــني ثــم تـناســـــاني

تركني في معاناة الليالي المـوحشات الســــــــود
ازل الحــزن فــــ الدله ويمــيني تـهز فــنجانــــي

اريد امسي بـلا ذكـرى اريد اصبح على المعهــود
اريد انسى الزمان اللي علـى طـــــاريه وجـــداني

يعاتبني على حبه يذكـــرني بـــ ثــــلاث عهـــــــود
أنا نـاوي عـلى الذكـــرى اقفـل كـــل بـيـبانـــــــي

قوي الباس لو يصبر ترا كل شيء لجـله حــــدود
كتمت بـداخــلي حسـره وما يـــدروبها اخـــواني

وباح الشعر عن صمته على النهج الذي مشهود
تجلت للـملأ صفــحه معانــيها فـــي مـيزانـــــــي

الأ ياقلب لا تـــسال ترا حظك غـــدى مفقـــــــــود
ورضا بــــ نصيب اللي كتبه اللّه مـن شــانــــــــي

كلمات :مانــــــع الوشاحــــــــي